影片
更多
2023-06-20
55 瀏覽
好耐之前食過一次和牛燒肉一郎，整體質素都幾好同好乾淨，有啲套餐仲可以任食和牛，最近又黎食多次，雖然就快去日本~~Course B 嚴選牛肉放題及盛合 $448/位用餐時間為120分鐘，呢到係用QR code落單，食物會經由燒肉新幹線送到你張枱隔離。頭盤會有一份肉拼盤同海鮮船，入面有牛肋肉、牛里脊肉、扇貝、魷魚、蝦、雞肉、豚肉。食完頭盤可以揀自己鐘意既野食，有牛肉、豚肉、雞肉、海鮮、小食同熟食等等，約100款食物。肉類方面特選薄炙牛肋肉、大判壽喜燒牛里脊肉同極上厚切牛舌都係必食。牛舌厚切口感好好，爽彈唔會靭。兩份肉類都配蛋，將肉微微燒熟，再加落生蛋一齊食，口感更滑又唔油膩。牛肋肉既油脂比牛里脊肉豐富，肉質會滑啲。呢到仲有幾款生牛肉，如果未食過都可以一試。我揀咗炙燒拌生牛肉，炙燒過肉味更濃，加咗蛋食落更滑。自助區可以自取飲品、沙律、甜品。食得多肉可能會比較膩，可以拎啲沙律中和下油膩感。飲品有自家製飲品同罐裝飲品。甜品除咗啲日本雪條外，都有自製杯裝甜品
好耐之前食過一次和牛燒肉一郎，整體質素都幾好同好乾淨，有啲套餐仲可以任食和牛，最近又黎食多次，雖然就快去日本~~
Course B 嚴選牛肉放題及盛合 $448/位
用餐時間為120分鐘，呢到係用QR code落單，食物會經由燒肉新幹線送到你張枱隔離。
頭盤
會有一份肉拼盤同海鮮船，入面有牛肋肉、牛里脊肉、扇貝、魷魚、蝦、雞肉、豚肉。
食完頭盤可以揀自己鐘意既野食，有牛肉、豚肉、雞肉、海鮮、小食同熟食等等，約100款食物。
肉類方面特選薄炙牛肋肉、大判壽喜燒牛里脊肉同極上厚切牛舌都係必食。牛舌厚切口感好好，爽彈唔會靭。兩份肉類都配蛋，將肉微微燒熟，再加落生蛋一齊食，口感更滑又唔油膩。牛肋肉既油脂比牛里脊肉豐富，肉質會滑啲。
呢到仲有幾款生牛肉，如果未食過都可以一試。我揀咗炙燒拌生牛肉，炙燒過肉味更濃，加咗蛋食落更滑。
自助區
可以自取飲品、沙律、甜品。食得多肉可能會比較膩，可以拎啲沙律中和下油膩感。飲品有自家製飲品同罐裝飲品。甜品除咗啲日本雪條外，都有自製杯裝甜品
張貼
