影片
更多
2022-01-16
3655 瀏覽
呢間餐廳個名好得意叫Running 燒，令我諗起Running Man，啲主持人都好鍾意成日去食燒肉，呵呵。我一個人坐一張好闊敞嘅四人枱，用QR code手機落單。跟住原來出面仲有個自助吧，勁多嘢食。有一啲蔬菜沙律，甜品，仲有啲熟食。除此之外仲有一啲新鮮嘅蔬菜可以燒，牛油粟米等等，亦都有糖果軟糖。亦都有熱既糖水, 有紅豆沙, 水果西米露等等!飲品嗰邊都好多嘢飲，有好多款選擇，我揀咗支清熱嘅竹蔗茅根，驚自己食完燒野會熱氣，呵呵！醬汁都有好多款，最尾我揀咗甜酸烤肉醬同燒肉汁，再加少少蒜蓉，應該最惹味！燒汁係鹹鹹地帶輕微甜味嘅味道，甜酸烤肉汁就酸酸微甜嘅！整體燒肉味道都醃得幾好，肉扒嘅肉質夠新鮮，而且亦都有啲天然嘅肥肉做油分，所以煎熟咗之後整體口感好好，有肥肉再加瘦肉平衡返個肉感！唔沾燒肉汁都夠味, 如果喜歡再濃味D 既可以再加汁!而且我拎左幾片生菜包肉食, 正!蔬菜我都試咗幾樣, 番薯，蘑菇，翠玉瓜等等，蔬菜好新鮮，好甜。最鍾意食就係番薯，外皮燒得脆脆有少少薯片嘅口感，入邊就係番薯嘅甜味！跟住之後嗌咗一轉海鮮。生蠔嗌咗兩款，再嗌左扇貝，魷魚，兩粒帶子，同埋一啲鮮蝦。所有海鮮嘅份量都幾大，隻
呢間餐廳個名好得意叫Running 燒，令我諗起Running Man，啲主持人都好鍾意成日去食燒肉，呵呵。
我一個人坐一張好闊敞嘅四人枱，用QR code手機落單。
跟住原來出面仲有個自助吧，勁多嘢食。有一啲蔬菜沙律，甜品，仲有啲熟食。
除此之外仲有一啲新鮮嘅蔬菜可以燒，牛油粟米等等，亦都有糖果軟糖。
亦都有熱既糖水, 有紅豆沙, 水果西米露等等!
飲品嗰邊都好多嘢飲，有好多款選擇，我揀咗支清熱嘅竹蔗茅根，驚自己食完燒野會熱氣，呵呵！
醬汁都有好多款，最尾我揀咗甜酸烤肉醬同燒肉汁，再加少少蒜蓉，應該最惹味！
燒汁係鹹鹹地帶輕微甜味嘅味道，甜酸烤肉汁就酸酸微甜嘅！
整體燒肉味道都醃得幾好，肉扒嘅肉質夠新鮮，而且亦都有啲天然嘅肥肉做油分，所以煎熟咗之後整體口感好好，有肥肉再加瘦肉平衡返個肉感！
唔沾燒肉汁都夠味, 如果喜歡再濃味D 既可以再加汁!
而且我拎左幾片生菜包肉食, 正!
蔬菜我都試咗幾樣, 番薯，蘑菇，翠玉瓜等等，蔬菜好新鮮，好甜。
最鍾意食就係番薯，外皮燒得脆脆有少少薯片嘅口感，入邊就係番薯嘅甜味！
跟住之後嗌咗一轉海鮮。
生蠔嗌咗兩款，再嗌左扇貝，魷魚，兩粒帶子，同埋一啲鮮蝦。
所有海鮮嘅份量都幾大，隻蝦都好粗身。
海鮮都幾鮮甜, 同埋自己燒可以控制到個海鮮熟度。
帶子我就燒得唔係好熟，所以就比較嫩，爽口，夠多汁
整體來講，呢度嘅食物選擇好多，而且肉類海鮮都夠新鮮，味道幾好！
服務員態度都好好，會不停咁樣幫你執走啲垃圾，同埋都會主動教你幫你點樣用嗰個爐頭等等，很有耐性！
張貼
