影片
更多
2013-07-23
569 瀏覽
河畔花園城新店開張既日本餐廳o係屋企附近，諗住去試下。新張做緊全單85折，都幾多人，如果無訂位要8:00幾9:00先會有位。星期日打電話去訂星期一晚7:30，點知去到竟然無我個booking! 個姐姐搵唔到我個booking，跟住話8:00先有檯! o下?! 無野嘛?! 我訂7:30架喎! 最後個姐姐都搵左張檯比我地。食物方面，比起出面的放題選擇不算多 (諗住埋單都係150元，想點姐! 點知…)﹕刺身有三文魚、墨魚、甜蝦、熟蝦、仿鮑片、魷魚、希靈魚、榮螺另外有d迷你刺身飯、迷你烏冬、迷你拉麵，仲有天婦羅、燒物、壽司、串燒、鍋物等等。味道方面，d剌身真係無咩味道，天婦羅d粉好厚下，壽司普普通通，串燒、燒物ok喇，唔係難食又唔係好好食。想講下隻溫泉玉子，完全見唔到玉子蹤影，隻玉散晒同d豉油混埋一齊……. 每人送一隻焗蠔，我老公話ok，但我覺得唔ok囉! 隻蠔有蠔殼碎既?!環境方面，檯與檯之間都好迫下，張檯好細，放2-3碟野已經無位擺野。服務方面，漏單非常嚴重，你填10樣野來得2樣，填左要既食物，唔知佢係無定係漏單，攪到唔知再唔再落單好。刺身無論你寫4件都係來2件，我都未試過食放題食左1個鐘
星期日打電話去訂星期一晚7:30，點知去到竟然無我個booking! 個姐姐搵唔到我個booking，跟住話8:00先有檯! o下?! 無野嘛?! 我訂7:30架喎! 最後個姐姐都搵左張檯比我地。
食物方面，比起出面的放題選擇不算多 (諗住埋單都係150元，想點姐! 點知…)﹕
刺身有三文魚、墨魚、甜蝦、熟蝦、仿鮑片、魷魚、希靈魚、榮螺
另外有d迷你刺身飯、迷你烏冬、迷你拉麵，仲有天婦羅、燒物、壽司、串燒、鍋物等等。
味道方面，d剌身真係無咩味道，天婦羅d粉好厚下，壽司普普通通，串燒、燒物ok喇，唔係難食又唔係好好食。想講下隻溫泉玉子，完全見唔到玉子蹤影，隻玉散晒同d豉油混埋一齊……. 每人送一隻焗蠔，我老公話ok，但我覺得唔ok囉! 隻蠔有蠔殼碎既?!
環境方面，檯與檯之間都好迫下，張檯好細，放2-3碟野已經無位擺野。
服務方面，漏單非常嚴重，你填10樣野來得2樣，填左要既食物，唔知佢係無定係漏單，攪到唔知再唔再落單好。刺身無論你寫4件都係來2件，我都未試過食放題食左1個鐘都無飽意! 填左2次吉列蠔壽司、海膽手卷都無來，如果無既應該話比客人知嘛 (但我我又見到隔離檯有o黎喎)! 因為漏單真係好嚴重，所以好多想食既野都無試到….
漏單、又唔係特別平，又唔見好好味，都幾失望! 我諗無第二次了…..
張貼