牛一 (樂道) (已搬遷) 新店位置

夜晚9點半開始食，用餐時間90分鐘，有優惠券人頭費滿350可以減100元。揀左安格斯牛套餐，湯底揀左椰子木瓜魚湯，湯底味道都ok。安格斯牛肉有牛味，唔會好鞋；豬肉都正常；雞肉好一般可以唔食。蔬菜都新鮮，其他食物魚蛋同丸質素ok。自助食物區選擇唔多，有一邊拎食物既通道好窄，成日要閃避其他人，好唔方便。熟食好似得2款，有咖喱牛同炒飯。甜品機有軟雪糕同乳酪，有toppings可以揀。飲品有汽水機，反而雪櫃既紙包同罐裝飲料選擇好少。餐廳話係11點最後落單跟收自助食物，但10點幾開始已經唔會再fill食物，10點半已經開始收野，到11點已經收晒食物。變左9半去食，實際可以拎食物既時間只有45min，食得都幾趕下。所以食9:30時段既，要把握好拎食物既時間。同埋揀安格斯牛餐既話，落單再叫牛要同侍應講明要安格斯牛，唔係既話，佢會俾平d既果隻澳洲牛你，食落勁鞋口又韌，仲差過普通肥牛。所以如果想食牛，最好揀返安格斯以上既套餐。