影片
更多
2020-09-25
154 瀏覽
睇完Openrice 既食評，對呢間餐廳既印象唔錯，見得最多就係魚湯鮮甜、環境舒適、店員親切。今日終於有機會去試下個lunch，結果同朋友一致認為唔會有第二次了，因為成個用餐體驗極差，可能呢到既comment講得太好令我覺得好大落差啦。食物方面我地分別叫左炸雞魚湯烏冬同鯛魚片魚湯烏冬。朋友食第一啖湯烏冬話感覺極腥，但食食下覺得可以接受，可能係習慣左，不過佢本身怕腥，可能對於腥味會比較敏感。我本身唔怕腥所以就冇覺得特別腥，但都唔覺得特別甜，普通魚湯味道，味精就應該冇落，因為食完唔覺特別口渴。配料如餐牌所示，有木耳絲、蔥白、紫菜，都幾足料。烏冬係扁身果隻，咬落煙韌，但食唔出烏冬本身既味道。鯛魚片可能部位唔同或者唔係同一條魚，有D 係幾甜但有幾舊好重泥味，直頭懷疑自己食緊泥鯭。由於只食過鯛魚刺身而未食過全熟既鯛魚，佢完全顛覆左鯛魚係我心目中清甜既印象，我唔肯定熟鯛魚係咪真係咁既味，因為海魚正常黎講係唔應該有泥味的。不過以呢個價錢黎講都唔會預係用D好靚既魚。炸雞反而係最出色既食物，味道適中唔會偏咸，粉漿薄又唔會炸到好乾身，係個底冇放吸油紙吸油所以有少少油膩，配埋沙律菜咁上可以解下膩，以$75黎
食物方面
我地分別叫左炸雞魚湯烏冬同鯛魚片魚湯烏冬。
朋友食第一啖湯烏冬話感覺極腥，但食食下覺得可以接受，可能係習慣左，不過佢本身怕腥，可能對於腥味會比較敏感。我本身唔怕腥所以就冇覺得特別腥，但都唔覺得特別甜，普通魚湯味道，味精就應該冇落，因為食完唔覺特別口渴。配料如餐牌所示，有木耳絲、蔥白、紫菜，都幾足料。烏冬係扁身果隻，咬落煙韌，但食唔出烏冬本身既味道。
鯛魚片可能部位唔同或者唔係同一條魚，有D 係幾甜但有幾舊好重泥味，直頭懷疑自己食緊泥鯭。由於只食過鯛魚刺身而未食過全熟既鯛魚，佢完全顛覆左鯛魚係我心目中清甜既印象，我唔肯定熟鯛魚係咪真係咁既味，因為海魚正常黎講係唔應該有泥味的。不過以呢個價錢黎講都唔會預係用D好靚既魚。
炸雞反而係最出色既食物，味道適中唔會偏咸，粉漿薄又唔會炸到好乾身，係個底冇放吸油紙吸油所以有少少油膩，配埋沙律菜咁上可以解下膩，以$75黎講算係做得唔錯。
雞塊唐揚魚湯烏冬
$75
2 瀏覽
0 讚好
0 留言
環境方面
每張檯都有透明隔板分隔，但並無主動提供酒精消毒用品。
用餐體驗
完全明白繁忙時間餐廳會想翻多幾張檯做多幾張單，但我諗最少都比合理既時間人地食嘛？唔要求多，入座計等埋你上菜一個鐘頭都唔算過份吧。食到一半，明明仲有3-4舊炸雞係個碟上，而我地一路有動作食緊都走埋黎問仲要唔要，想收左佢。
我仲夾住最後一件雞咬左一啖係口食緊，有個店員走埋黎同我地講「xxxxxx出面仲有人排隊xxxxxx唔好意思」，因為實在太嘈又隔住口罩我聽唔清楚佢成句講咩，但我聽得出個意思係「唔該你地食快D，出面仲有好多人排緊隊，唔好意思」。當時我地入座只係大概40幾分鐘，野食只係黎左半個鐘多D，你話我地掛住傾計唔食野食足個幾鐘頭就話姐，但我地係密密食冇停手，半個鐘多D要食哂成碗熱辣辣既烏冬埋單比返張檯你地做生意會唔會太過份呀？最後我就最後一啖雞仲係個口到都未食完，仲咀嚼緊咁埋單走人嚕。
由於食物唔係特別出色，咁樣既用餐體驗下，出左門口就同朋友一致決定唔會有下一次了。
張貼
