大自然素食

營業中

休息中

喺度食飯真係一肚氣 我8點半入座 嗌左4樣嘢 都無諗過會有上菜次序㗎喇 但我無諗過 一嚟就上個飯 就即刻粒聲唔出隊碗紅豆沙落枱 (我係無叫過紅豆沙) 同佢講話我無嗌過 佢就大大聲話呢個送比你㗎！ 真係皇恩浩蕩喇！ 其中一味蟹皇芙蓉翅 碟醋入便有隻蚊滋 問佢可唔可以換左佢 個阿姐又話唔關佢事 其實我都係想換左碟醋啫 唔洗咁大反應嘅！如是者食到8點55分 野又未食晒 就催我埋單！問佢幾點截單又話9點半 9點未夠又要我埋單？真係咁趕收工咩？趕收工咁你又入客？啲服務咁差 啲嘢食再好食都好難返轉頭啦！ 下次想食齋都唔會再嚟呢問囉！