大吉居酒屋 (已結業)

本身第二次去。第一次都覺得ＯＫ。但係岩岩去完第二次。Ｄwaiter同個經理完全唔得。我地book五大人一細路。我個女三歲。都冇諗過個小朋友唔俾錢。個經理走入黎問我個女幾多歲。係直接問我個女。我想問，呢個經理問黎做乜?我又冇話唔俾錢。你咁樣問真係唔知咩野意思?咁果你係話個小朋友唔夠三歲唔洗俾錢既，你都唔係咁樣問法下話。我地book房時已經有book個小朋友啦。如果你係諗住唔收我錢既就唔洗問啦。Ｄ野食又超慢，個門口食住全晚$178，個個都以為係$178食足全晚。點知完來係食兩個鐘。問番佢。佢話係全晚都係收費$178，冇第二個價喎。我地食六點半至八點半，七點幾就走入黎問我地仲有咩order，有就要快喎。我地話係你地Ｄ野黎得慢咋。佢又掉番轉頭問我地order左Ｄ咩喎！喂，你地自己跟啦，叫十樣黎六樣。叫Ｄ啤酒Ｄ數又係亂晒龍，買兩支送一支。成日問我地飲左幾多支。我地話不如一set一set計啦。一set三支咪好計囉。個waiter話咁樣佢唔識計喎。真係吹Ｑ漲。真係唔洗再去。