影片
更多
2011-07-20
30 瀏覽
我早兩日已經打去訂定位,講埋用團購喇.早咗半個鐘到,不過唔係好多人,所以一去到就有位喇!!我地三個人嗌咗:生牛肉>>都幾好食刺身(和風三文魚+劍魚南+赤貝)>>都算厚身,味道唔錯蟹子沙律>>普通燒蠔>>普通燒帆立貝>>幾好味廣島蠔鍋>>啲蠔唔細隻,配料都唔錯,抵食另外仲有7-8款壽司,水準叫過得去,呢個價錢ok啦.現場有三個伙計(兩男一女)招呼我地,兩個男侍應都好有禮貌,叫嘢都無咩甩漏.不過個中年女侍應態度就好差,埋單既時候呼呼喝喝,我嗌埋單嗰陣俾張coupon佢,佢大大聲聲話我地點解唔一早講用團購,我話訂位嗰陣講咗喇喎,佢話咁樣有權唔俾我地用,跟住仲繼續嘈嘈嘈,好似我地犯咗罪咁,佢仲唔訓氣走出去睇下我訂枱有無講,睇完知道有喇,都仲走番埋嚟話訂枱講完,嚟到要再講,因為啲同事行開行埋唔知點喎.跟住仲發晦氣話唔收信用咭,我心諗係唔夠幾錢唔收定完全唔收呀?????都費事理佢,張單$555,扣咗團購尾數$180,我俾齊頭,一蚊貼士都唔益嗰女侍應,出門口先私人俾番貼士個男侍應,但係食緊糖水先記起俾漏咗
早咗半個鐘到,不過唔係好多人,所以一去到就有位喇!!
我地三個人嗌咗:
生牛肉>>都幾好食
刺身(和風三文魚+劍魚南+赤貝)>>都算厚身,味道唔錯
蟹子沙律>>普通
燒蠔>>普通
燒帆立貝>>幾好味
廣島蠔鍋>>啲蠔唔細隻,配料都唔錯,抵食
另外仲有7-8款壽司,水準叫過得去,呢個價錢ok啦.
現場有三個伙計(兩男一女)招呼我地,兩個男侍應都好有禮貌,叫嘢都無咩甩漏.
不過個中年女侍應態度就好差,埋單既時候呼呼喝喝,
我嗌埋單嗰陣俾張coupon佢,佢大大聲聲話我地點解唔一早講用團購,我話訂位嗰陣講咗喇喎,佢話咁樣有權唔俾我地用,跟住仲繼續嘈嘈嘈,好似我地犯咗罪咁,佢仲唔訓氣走出去睇下我訂枱有無講,睇完知道有喇,都仲走番埋嚟話訂枱講完,嚟到要再講,因為啲同事行開行埋唔知點喎.
跟住仲發晦氣話唔收信用咭,我心諗係唔夠幾錢唔收定完全唔收呀?????都費事理佢,張單$555,扣咗團購尾數$180,我俾齊頭,一蚊貼士都唔益嗰女侍應,出門口先私人俾番貼士個男侍應,但係食緊糖水先記起俾漏咗另外一個男侍應tim,唯有下次啦.
平心而論,如果無團購,$185一位都算抵食既,但係有個咁既女伙計就咪攪喇!!!
張貼