拳王泰國餐廳 (已結業)

雖然我食呢間咁既所謂好出名既餐廳已經係上年既事，不過最近諗番又想打出尼分享下我個次對間野非常非常差既印象。唔中意就唔好睇囉，純粹個人感受，句句屬實。上年同一大班親戚食婆婆既生日飯，十幾個人啦。訂左枱人多要坐樓上，裝修同氣氛係幾好既，本來對佢期望好高架，但係服務真係未見過咁差囉！！！一開始就比一筒杯我地，連分都懶得幫你分個隻。算啦，一斟，嘩！做乜啲杯會有陣怪味？！叫佢注意下，換過啲佢就黑起塊面，唔想換咪開聲囉，巴乜閉姐？野食方面就真係好普通，富泰式風格？唔覺喎。真係咁多食評寫咁咁好味咁正？我完全唔覺囉sor淨係記得有一個魚係比較好啲，可能我地全部都嗌唔中佢煮得好味既野啦，哈。到最後，切蛋糕。叫佢攞啲碟佢就塊面黑過黑炭，隔尼啲可能係vvvvvvip啦，係咁啤住我地要催我地走咁。成餐飯都係食得好無奈好不安好激氣！！！我真係唔明點解啲人對呢間野評價咁高，難道真係得我咁黑仔遇著佢地集體m come黑起塊面？！雖然事隔咁耐，各方面既野唔知有冇改啦，我只係想話比人聽我有咁既不愉快經歷，可能佢唔歡迎一大班人尼阻佢發達啦。總之，我對呢間野既壞印象一啲都冇減退。對我而言，泰國拳王餐廳絕對係永不錄用。唔會再