Gooday Cafe (已結業)

三八婦女節當然要約番妳身邊嘅三八出黎賀一賀佢，我朋友話佢情人節黎過Goodday Cafe食過一次，於是又黎食過。本來係約食tea，但我地約左兩點，佢嘅lunch tike係去到兩點九。反正我地兩個都只係食左早餐，都食得落lunch呀！呢度嘅午餐set有八個course，非常精緻，但男人食就應該會唔飽…不過坐在三個鐘好似都只係見到兩位男士。食物味道不錯。除左沙律醬有點怪怪的；忌廉粟米湯味道不錯但太稀啦；洛神花包係我黎呢度其中一個原因，果然名不虛傳！中間有忌廉好正；甜品我加錢叫左泡芙，穩陣之選；主菜我揀左芝士蕃茄焗香茅豬頸肉飯，開頭有啲擔心芝士同香茅唔match，實情佢冇乜香茅味，豬頸肉口感不錯。飲品方面有蘋果茶，但冇乜果香。只能講有健康嘅感覺啦。順帶一提呢間cafe以婚禮做主題，但位置太窄，坐得不夠舒服，如要開party未必會揀呢度。