Heart Bar & Restaurant (已結業)

阿女又帶我去食好嘢，佐敦Heart Bar & Restaurant ，食物高質，價錢公道，裝修雅潔。晚市套餐有八款選擇，包沙律或餐湯、主菜、加$28可配紅或白酒一杯。雜菜薯仔湯，味道相當濃郁及鮮甜。香煎澳洲豬鞍扒，擺放精美，挑選澳洲高質厚切豬鞍扒，熟度煎得啱啱好，豬鞍味較濃郁，帶有脂肪、油脂，煎出來不會太乾，入口十分之香嫩，肉味香濃。配以特製醬汁，味道更提升。香煎盲鰽魚柳拌珍珠薯及燴普羅旺斯燉菜、魚柳肉質結實嫩滑，魚皮煎至脆口，點少許芥末醬，味道更佳，另外還有不同的蔬菜燴在番茄溶化成的醬汁里，伴着蒜香和普羅旺斯香草的清新，既開胃又可以緩解油膩。紅酒色調明亮，酒體渾厚、滋味濃郁。朱古力慕絲蛋糕，朱古力味又濃又好味 ，口感綿密細滑，入口即溶。店員介紹話店內廚柜甜品，全部都係自家製，每星期都會轉換不同款式，迎合客人口味！