.TAPS (已結業)

西貢舊墟嘅 .TAPS 係西日式 cafe，幫襯當日，全店得一個人做嘢，睇佢超級忙碌，心諗 order 咗嘢都應該要等一段長時間，又估唔到上菜速度唔算太慢，哥哥認真犀利👍。我揀嘅係蟹肉蕎麥麵伴流心蛋青瓜及海藻配冷麵汁，所有食物最好食係青瓜，其實我一向唔鍾意食青瓜，因為覺得有朕怪味，不過呢度嘅青瓜就非常非常清甜😋，入口爽脆，完全顛覆咗我對青瓜嘅壞印象；其次，流心蛋都好正，流質嘅蛋黃蛋味好濃。其他食材就正常水準，不過兩條蟹棒就略嫌好似雪耐咗少少咁，較淡口，冇咩蟹味。呢個 set 真係好精緻，精緻到我食完搭車出市區，唔夠兩個鐘，要再搵嘢食😂。