影片
更多
2024-07-10
171 瀏覽
近期飲咗好多咖啡，有時會喺coffee shop食埋蛋糕，但試完All Day，覺得冇邊間咖啡店的蛋糕可以同佢媲美。本身未去過康城，見佢評價正面就試下。下午茶時段，冇餐、冇任何優惠，單係食件餅同飲杯咖啡，人均消費>$85，唔親民🙈柚子芝士蛋糕：雖然唔貴（$38），但size迷你，難以置信，佢只有正常芝士蛋糕的1/3-1/2；味道係好好既，柚子的酸甜味突出、平衡又豐富，食食下仲食到柚子皮（或柚子絲？），堅好食；只不過，如果劈大啲個口，件cake可以一啖食曬Brownie：好多食評都大推；可單點件$28，亦可加埋雪糕$52；尺寸正常，$28唔貴；最大感覺係佢似美式曲奇咁chewy，一般brownie有時會焗到有少少乾身，但佢裡面仲好濕潤；朱古力味幾濃，但係似朱古力拖肥；相信brownie能夠咁chewy，牛油成分應該勁高，而呢樣亦對佢的可可味造成影響，變到有啲似朱古力拖肥；如果慢慢食，慢慢讓佢喺口腔融化，都可以食好耐既，同埋佢都飽肚，係一個好邪惡但同時又令人好滿足的甜品Dirty：$52，得半杯，隻杯都幾唔appropriate（呢度用即棄食具）；咖啡味濃，nutty，帶苦澀，個人
本身未去過康城，見佢評價正面就試下。下午茶時段，冇餐、冇任何優惠，單係食件餅同飲杯咖啡，人均消費>$85，唔親民🙈
柚子芝士蛋糕：雖然唔貴（$38），但size迷你，難以置信，佢只有正常芝士蛋糕的1/3-1/2；味道係好好既，柚子的酸甜味突出、平衡又豐富，食食下仲食到柚子皮（或柚子絲？），堅好食；只不過，如果劈大啲個口，件cake可以一啖食曬
Brownie：好多食評都大推；可單點件$28，亦可加埋雪糕$52；尺寸正常，$28唔貴；最大感覺係佢似美式曲奇咁chewy，一般brownie有時會焗到有少少乾身，但佢裡面仲好濕潤；朱古力味幾濃，但係似朱古力拖肥；相信brownie能夠咁chewy，牛油成分應該勁高，而呢樣亦對佢的可可味造成影響，變到有啲似朱古力拖肥；如果慢慢食，慢慢讓佢喺口腔融化，都可以食好耐既，同埋佢都飽肚，係一個好邪惡但同時又令人好滿足的甜品
Dirty：$52，得半杯，隻杯都幾唔appropriate（呢度用即棄食具）；咖啡味濃，nutty，帶苦澀，個人比較喜歡
Cold brew：埋單時得番最後1杯，應該幾受歡迎；用1個厚身玻璃樽裝起，$55，容量少，朋友估計~150ml
以coffee shop嚟講，呢度消費都高，雖然食品、飲品質素唔錯，但份量太細喇，食完、飲完都係到喉唔到肺，如果要開懷地歎下午茶，每人都要飲品、蛋糕打孖上。環境一般，coffee shop冇明確的地域區分，啲檯好細，而我哋坐果邊的檯仲要唔平衡，食嘢時要就住就住，希望店員可以搵張厚紙攝實隻檯腳啦；由於呢度係open space，食食下有小昆蟲「嬲」住啲嘢食，要驅趕，而且呢度冇明顯出入口，所以食嘢過程中有個行逕古怪的人「入咗」coffee shop「範圍」，整體環境同衛生要打個折扣
張貼
