第三站

依間我好多年前已經嚟過，再嚟都依然感覺好好。可以有個位置同朋友食野吹下水，而且嘢食質素都幾好﹗Dinner set叫咗卡邦尼煙肉雜菌意粉同埋西班牙海蝦辣肉腸燴飯，每個餐包一杯$38飲品，另外補差價轉咗做花茶同埋朱古力，而且見到小食拼盤有齊我哋想食嘅嘢就叫埋。叫「小天使」嘅花茶，薰衣草、紅玫瑰花、莉莉花、檸檬草，最吸引我係佢寫住嘅功效，可以安定情緒、舒緩頭痛，琴晚又真係好快就訓著﹗好中意佢會有個座一直暖住，食到最後都仲有熱茶飲好開心。一開始會比較清淡，越泡得耐就越濃，茶味都會越重。而另一杯係焦糖朱古力，超大舊cream，上面充滿焦糖醬，全部加埋都唔會太甜膩，仲互補令到成杯都好好飲添。好快兩樣主食都一齊送到，比想像中大份好多，賣相都好靚好吸引。卡邦尼煙肉雜菌意粉好creamy，每條意粉都掛滿醬汁，好中意佢炒到有啲乾身嘅感覺。西班牙海蝦辣肉腸燴飯嘅材料都唔手軟，無論係海蝦定辣肉腸都好多，而燴飯囓黏稠程度都幾適中，有小小辣好惹味。小食拼盤有超豐富，有洋蔥圈、芝士條、雞翼、日式餃子、咖哩角，每樣都有三塊或以上，當然一定要襯熱食芝士條，可以拉絲到好長。另外嘅小食都好好食，而最欣賞係雞翼有加蜜糖一齊