Second Bite Bar & Grill (已結業)

今晚突然好想食扒，上網搵推介，見到好多人話呢間好味，就即日打電話book位！因為餐廳都幾唔近自己落車既位，所以遲左去到，但佢地服務態度好好，打返去講會遲都好友善處理👍🏻我地一個叫左羊架，一個叫左豬鞍，配薯蓉、沙律菜同磨菇，仲有個湯同特色牛角包🥐個湯黎到本身以為係羅宋湯，一飲又有d蕃茄、南瓜同粟米味，最後我地忍唔住問係咩湯，原來係紅菜頭湯！超特別😻牛角包用心，外脆內軟👍🏻豬鞍肉質好嫩，煎得香口👍🏻而且份量十足，食完好夠飽又好味！