影片
更多
2021-07-30
69 瀏覽
今日搵左姐姐陪我一齊黎哩間日式餐廳食Omakase，餐廳環境雅緻舒適，座位亦非常闊落，我地就揀左坐吧台，可以望到廚師製作食物既過程。一坐低店員會先比條熱毛巾你抹手，之後會再放一碟濕紙巾同紙巾係檯，亦會不停加茶，服務態度好好。今次我地一人叫左一個Omakase套餐。🥢夕食Dinner：Omakase-Gin $1280🎈先付3種盛🔸京都絹豆腐配胡麻醬·雪場蟹肉及蟹膏豆腐滑溜，蟹肉鮮甜結實，蟹膏濃郁味甜，配埋胡麻醬相當開胃。🔸汁煮鮑魚·三文魚籽·食用金箔鮑魚新鮮爽彈，煮得入味，三文魚籽相當新鮮，一啲都唔會腥。🔸高糖度蕃茄番茄係日本出品，味道甘甜。🔸櫻花蝦溫泉蛋滑溜既溫泉蛋灑上香口既櫻花蝦，配埋特製醬汁，味道一流。🐟刺身5種盛🔺蜜柑鯛食落有淡淡既蜜柑味，類似柑橘皮既清香，清甜好味，亦可以加啲紫蘇花穗落去，之後再點酸汁食。🔺平政魚油甘魚同間白魚既max，非常特別！第一件配上四季紅，帶有微辣，第二件配上紫菜醬，肉質鮮甜爽身，亦有油脂甘香。🔺粒貝切片後吱上青檸汁，再灑上岩鹽及菊花碎。入口質感爽脆，鮮味十足，味道鮮甜，有淡淡既菊花甘香。🔺太刀魚用上和風汁及灑上紫蘇葉。魚肉經過炙燒，充滿油脂香，完全係
一坐低店員會先比條熱毛巾你抹手，之後會再放一碟濕紙巾同紙巾係檯，亦會不停加茶，服務態度好好。
今次我地一人叫左一個Omakase套餐。
🥢夕食Dinner：Omakase-Gin $1280
🎈先付3種盛
🔸京都絹豆腐配胡麻醬·雪場蟹肉及蟹膏
豆腐滑溜，蟹肉鮮甜結實，蟹膏濃郁味甜，配埋胡麻醬相當開胃。
🔸汁煮鮑魚·三文魚籽·食用金箔
鮑魚新鮮爽彈，煮得入味，三文魚籽相當新鮮，一啲都唔會腥。
🔸高糖度蕃茄
番茄係日本出品，味道甘甜。
🔸櫻花蝦溫泉蛋
滑溜既溫泉蛋灑上香口既櫻花蝦，配埋特製醬汁，味道一流。
🐟刺身5種盛
🔺蜜柑鯛
食落有淡淡既蜜柑味，類似柑橘皮既清香，清甜好味，亦可以加啲紫蘇花穗落去，之後再點酸汁食。
🔺平政魚
油甘魚同間白魚既max，非常特別！第一件配上四季紅，帶有微辣，第二件配上紫菜醬，肉質鮮甜爽身，亦有油脂甘香。
🔺粒貝
切片後吱上青檸汁，再灑上岩鹽及菊花碎。入口質感爽脆，鮮味十足，味道鮮甜，有淡淡既菊花甘香。
🔺太刀魚
用上和風汁及灑上紫蘇葉。魚肉經過炙燒，充滿油脂香，完全係入口即化。
🔺鰹魚
加上酸汁啫喱及紫蘇花。鰹魚經過燒製，再用櫻花木煙燻，打卡一流📸️鰹魚同吞拿魚係近親，肉既質感相似，味道微酸。
🥣舞茸清湯
食完所有刺身之後，會比一盅由舞茸、鰹魚熬成既湯你清一清口腔。
🍱和食料理2款
🔹海膽蛋黃醬燒大蝦
蛋黃味濃郁，醬汁質感creamy，大蝦新鮮彈牙，旁邊有水菜，可以用黎解膩。
🔹沖繩豬手
豬手熬煮左36個鐘，非常軟腍入味，味道香甜，上面有一粒粒炸過既稻穗（稻米）🌾
🍣壽司5貫
深海池魚、梭子魚、銀鱈魚、北海道小川馬糞海膽及燒拖羅配櫻花蝦
池魚爽身，添上新鮮柚子皮，有淡淡柚子味；梭子魚經過炙燒，魚味突出，肉質較腍；銀鱈魚經過炙燒，充滿油脂香；北海道小川馬糞海膽超新鮮creamy，入口鮮甜，超好味！底下仲有紫菜同壽司飯。燒拖羅炙燒後入口即融，櫻花蝦同紫菜都好脆，再加上生蒜，非常香口。
🥣汁物
魚奶湯有豆腐同魚肉，用高湯做底熬煮而成，魚味濃郁。
🍈果物
靜岡縣蜜瓜，係日本既秀級蜜瓜，入口超香甜，勁多汁，真係勁好食。
整體黎講，哩間日本餐廳既食物相當有質素，睇得出廚師製作既心思，服務態度亦好好，大家出開銅鑼灣都可以試下。
張貼
