星願 居酒屋 (已結業)

行完街街返屋企，咁就喺屋企附近搵好嘢食啦😚今日係日本🇯🇵mode,咁就梗係食日本嘢啦🍣🍣要咗個必食推介<星願海膽丼>😊刺身滿滿咁鋪喺飯面，啲壽司飯加咗醋，好味道！刺身多款集於一身，有三文魚腩，油甘魚，甜蝦，吞拿魚，甜蛋同埋海膽🙈每款都新鮮好味，解凍解得好，入口唔會太凍，海膽直程入口即化！<鳳梨鵝肝多士>鵝肝配多士就成日食，但加咗塊鳳梨之後整體口感提升，味道亦出色，原來甜都可以提升鵝肝嘅味道🥰<串燒>鹽燒牛舌 鹽燒雞皮 雞軟骨 香燒腐乳豆卜，呢幾款串燒都好鬼死正😍牛舌同雞皮一定要叫，牛舌個厚度適中，唔會話細細一片，總之好有口感😋雞皮脆得來會依韌，好正！