影片
更多
2022-05-07
792 瀏覽
母親節揀咗呢間同媽咪慶祝，因為見comment好多人推介話好味。食物質素係好 無論味道菜式價錢都好令人滿意👍🏻唯一要改善係樓面侍應、人手、服務態度同招待方式。因為我本身book咗八點，7:50幾分已經到咗門口，當時已經有幾台已book嘅客人等緊，但門口竟然一個侍應招待都冇，門口嘅客人一直喺度等 ，侍應只係顧樓面情況 搞到門口嘅人越等愈多，而且客人開始唔耐煩，因為根本冇人理最後我係8:20幾分先入到去，其實book咗枱真係冇諗過要企喺門口等20幾分鐘，我仲要同屋企人一齊，令到父母都一齊等🙄最差個問題係成個過程根本冇侍應去安撫或者告知係咩情況要等幾耐。我開頭真係好嬲好嬲 好彩食物質素唔差先冇咁嬲係希望貴餐廳能夠改善呢方面 咁就完美喇👍🏻好啦 講返食物方面竹炭豆腐 $18/pc招牌食物，個個都嗌，個皮香脆好香，裏面嘅豆腐真係好滑好滑，10分推介私房金鮮龍躉 細 $298魚夠新鮮，重點係份量都幾多，裏面有好多淮山同寬粉，所以都幾抵食風沙脆皮雞 半隻又一招牌食品，開頭以為冇咩特別，係平時食開啲脆皮雞，但原來佢整得真係好香脆，裏面嘅肉質依然好嫩滑，重點係佢去咗好多骨，食落啖啖肉冰鎮咕嚕肉見賣相好靚
唯一要改善係樓面侍應、人手、服務態度同招待方式。因為我本身book咗八點，7:50幾分已經到咗門口，當時已經有幾台已book嘅客人等緊，但門口竟然一個侍應招待都冇，門口嘅客人一直喺度等 ，侍應只係顧樓面情況 搞到門口嘅人越等愈多，而且客人開始唔耐煩，因為根本冇人理
最後我係8:20幾分先入到去，其實book咗枱真係冇諗過要企喺門口等20幾分鐘，我仲要同屋企人一齊，令到父母都一齊等🙄最差個問題係成個過程根本冇侍應去安撫或者告知係咩情況要等幾耐。我開頭真係好嬲好嬲 好彩食物質素唔差先冇咁嬲
係希望貴餐廳能夠改善呢方面 咁就完美喇👍🏻
好啦 講返食物方面
竹炭豆腐 $18/pc
招牌食物，個個都嗌，個皮香脆好香，裏面嘅豆腐真係好滑好滑，10分推介
私房金鮮龍躉 細 $298
魚夠新鮮，重點係份量都幾多，裏面有好多淮山同寬粉，所以都幾抵食
風沙脆皮雞 半隻
又一招牌食品，開頭以為冇咩特別，係平時食開啲脆皮雞，但原來佢整得真係好香脆，裏面嘅肉質依然好嫩滑，重點係佢去咗好多骨，食落啖啖肉
冰鎮咕嚕肉
見賣相好靚，所以都嗌咗一個。但呢個就唔太多驚喜，因為都係咕嚕肉嘅味道，比較特別嘅係佢用冰鎮上，個皮就會比較脆身，另外配菜嘅菠蘿非常香甜
焦糖燉蛋 $68
甜品方面，最後一定推介大家食佢嘅焦糖燉蛋，因為真係好香牛奶味，而且好滑，上面加咗桃膠又唔會太甜，好好味😋
紅棗糕 $68
亦都唔錯，紅棗味夠出，質地煙韌，可以一試
張貼
