鐵牛台灣牛肉麵 (金巴利道) (已結業)

同朋友仔約左係尼間食台灣嘢，個人覺得餐廳離地鐵站都幾遠嫁😆。餐廳係地庫既，所以環境都幾大嫁。冷氣開得有啲大，坐多陣就覺得幾凍下，要著多件衫啊👕。餐廳職員安排俾我地既座位係未執好既，之後職員都有即刻清潔返。同埋用餐期間上菜出現錯誤，將木魚炸豆腐變成皮蛋豆腐，之後都有更換返。服務質素算唔差啦👌🏻。餐廳係使用QR code落單既。我地2個人，各叫左一個餐同2份小食。 ▪️鐵牛台灣牛肉麵：半筋半肉，肉質算嫩，但無乜牛味。麵條軟硬適中，湯底唔濃郁但唔會太鹹同油膩既。 ▪️鹽酥雞肉燥湯麵：鹽酥雞香口，唔會太鹹，炸粉好薄幾juice💦，但口感唔算香脆。雖然係小辣，但係朋友都覺得有啲辣。 ▪️台農57號甘梅地瓜🍠：地瓜條帶少少甜味，同梅子粉一齊食，味道酸酸甜甜。 ▪️木魚炸豆腐：外層香脆同沾滿酸甜嘅醬汁，內層係嫩滑嘅豆腐。連埋青瓜絲🥒一齊食，中和返油膩感，幾清爽同開胃。 另外，跟餐加購兩杯餐飲🧋，冇得選擇甜度，所以好甜。怕甜嘅朋友，可能選擇飲茶會好啲啊。 👐🏻整體而言，食物味道一般，勝在價錢比較平。適合平日喺附近返工又唔想喺lunch time洗太多錢既朋友仔。