Moreish & Malt (美國萬通大廈) (已結業)

老闆會親手幫手serve客人，亦會不時問客人滿唔滿意食物，感覺到老闆都好重視客人意見，亦好親切會同顧客傾幾句。另外餐廳唔太多人，環境好舒服好chill非常適合同朋友傾計，慢慢食都冇問題，食完一客野食之後店員就會即刻清走再上下一道菜，而且杯水飲淨一半店員就會幫手添，非常細心！食物方面，今次試左肉碎nachos,呢個價錢嚟講非常大碟亦好襟食，但同時又好開胃好正！肉碎亦好入味同啲nachos好夾！跟住係個個都話好食嘅蟹子闊條麵，首先賣相十分美觀，亦有小鮮花擺盤好吸引。味道當然亦不錯，闊條麵屬於彈牙但又唔太硬，醬汁亦有相當份量，食起上黎一啲都唔乾，配料亦好足份量，相當滿意！最後係豆腐cheesecake同兩杯mocktail! Cheesecake果然十分重豆味，一入口啲豆香就出曬黎，而且口感creamy又唔太膩，作為飯後甜品剛剛好，擺盤亦超靚好啱打卡。Mocktail就叫左sunset同hawaii 個人比較中意sunset比較fresh啲，而且喺你飲之前店員會幫你燒一燒杯到嘅rosemary增加香味，係好精緻嘅一杯飲品！