影片
更多
2011-01-30
30 瀏覽
28-1-2011收工與「下場」之間時間不少, dinner 唔想又食茶記了, 今次試試呢間小店, 難得一直抗拒港式西餐的朋友無異議. 叫了一人一 set dinner, 跟湯 + 沙律及餐, 另加一份 creme brulee share 食; 期望其實不高, 不過食完仍然有失望的感覺, 真係 :-蕃茄忌廉湯: 飲得出茄膏的味道, 微酸, 不過都酸得幾「鬼祟」, 亦幾鹹, 質地糊糊哋, 亦幾有「一舊舊粉」的感覺, 好快就放棄了; 餐包塗了牛油喺中間, 但個包本身凍凍的, 牛油唔溶, 質地亦實實的, 唔好食.吞拿魚長通粉沙律: 賣相味道都 "homemade" 得很, 沙律醬唔會太「水」, 拌得勻, 配上碎濕濕罐頭吞拿魚, 難食極有限的.主食叫了招牌紅酒燴牛尾, 跟意粉: spaghetti 係「白烚」, 典型港式的腍 bad bad 及無味, 意料之內; 牛尾煮得腍, 亦幾入味, 不過醬汁只覺輕微酸味及好鹹, 其實唔係咁好食; 蔬菜就有紅蘿蔔, button mushroom 及洋蔥, 不過紅蘿蔔硬硬的又無味, button mushroom 又係無味, 洋蔥則又苦又老/
28-1-2011收工與「下場」之間時間不少, dinner 唔想又食茶記了, 今次試試呢間小店, 難得一直抗拒港式西餐的朋友無異議. 叫了一人一 set dinner, 跟湯 + 沙律及餐, 另加一份 creme brulee share 食; 期望其實不高, 不過食完仍然有失望的感覺, 真係 :-
蕃茄忌廉湯: 飲得出茄膏的味道, 微酸, 不過都酸得幾「鬼祟」, 亦幾鹹, 質地糊糊哋, 亦幾有「一舊舊粉」的感覺, 好快就放棄了; 餐包塗了牛油喺中間, 但個包本身凍凍的, 牛油唔溶, 質地亦實實的, 唔好食.
吞拿魚長通粉沙律: 賣相味道都 "homemade" 得很, 沙律醬唔會太「水」, 拌得勻, 配上碎濕濕罐頭吞拿魚, 難食極有限的.
主食叫了招牌紅酒燴牛尾, 跟意粉: spaghetti 係「白烚」, 典型港式的腍 bad bad 及無味, 意料之內; 牛尾煮得腍, 亦幾入味, 不過醬汁只覺輕微酸味及好鹹, 其實唔係咁好食; 蔬菜就有紅蘿蔔, button mushroom 及洋蔥, 不過紅蘿蔔硬硬的又無味, button mushroom 又係無味, 洋蔥則又苦又老/硬, 幾難食. 好掛住以前譚臣道嗰間港式西餐廳的同類出品 (http://www.openrice.com/restaurant/commentdetail.htm?commentid=1989583), 可惜佢已關門大吉啦.
朋友食燒鴨胸: 試了少少鴨胸係幾嚡幾乾, 味道帶點「臊」, 有點港式「燒鴨」feel 醬汁唔知係乜, 朋友就話係「芒果」味 唔知又同「燒鴨」夾唔夾0架呢.
鹹食唔得, creme brulee 反而比想像中好, 面頭焦糖厚薄 ok, 食落則有點「韌」及勁黐牙, 不過下面的 custard 幾滑, vanilla 味亦叫「有」, 都收貨了.
見食物咁港式, 餐飲就叫了熱奶茶, 但原來奶茶又唔係港式, 奉上的熱奶又疑似 skim milk, 有點哭笑不得...
除了店員們幾友善的服務態度以外, 整體印象近乎「嗚呼哀哉」, 每人近 $120 我覺得完全唔抵食. 港式西餐嚟講交加里嗰間 (http://www.openrice.com/restaurant/commentdetail.htm?commentid=2041756) 絕對好食得多, 呢間唔會再來了.
張貼
