CaN LaH

營業中

休息中

今晚一行六人去咗試呢間新餐廳， 訂位嘅時候已經同經理確定預留咗一隻片皮鴨同埋一個螃蟹濃湯米粉煲。點知食飯前一晚打去確定留位， 聽電話嘅人居然話我哋冇預留到任何嘢咁算啦，最尾都搞掂。 諗住開開心心食餐飯，點知呢度啲樓面好似全部都冇經驗咁。 嗌啤酒汽水等15分鐘要追先黎，冇人會識得幫你睇吓使唔使加茶換水。 最令我無言係我哋嗌咗螃蟹濃湯米粉煲， 侍應幫忙分幾碗用咗10分鐘都未分完，碗粉嚟到我哋面前已經由熱變暖。聞落仲有啲腥腥地。佢仲唔知點解淨係分左4碗 🥺 唔知係咪時運高睇我哋唔到， 明明我哋有六個人 跟住個侍應就話個鍋仲有啲粉可以分多兩碗⋯ 如是者，又用多10分鐘⋯最尾分咗兩碗湯+ 1 份蟹腳 + 1啖米粉 。有幾個朋友嚟試完都同我講咗service係差啲，今次親身感受完 ， 唔會想再嚟食物嚟講，dry aged 片皮鴨真係特別同好食，鴨胸肉軟腍鴨皮鬆脆 。其他嘢，中規中矩， 冇邊樣印象特別深刻。