School Food (已結業)

今晚又搵新嘢食，試咗聲稱全部食材由韓國入口嘅School Food。叫得學校食物，應該係健康有營養同味道吸引，我叫咗件栗子甘薯餅同半溶芝士炒年糕，兩樣嘢食都ok好味嘅。不過今晚比個頑固嘅九十後侍應破壞晒全餐飯。事源係我落單之前，已經問清楚邊樣嘢係素我先叫，後來上菜我發現有魚片炒年糕，我問返個侍應，佢話嗰啲係芝士，我叫佢問廚房，佢行開咗一陣，轉頭我再問多次，佢答我廚房話係芝士，我將一片魚片放上碟，叫佢拎入廚房問係咪芝士，終於佢死死氣拎返出嚟話係魚片，不過無道歉，放低行開就算，咩料呀！我希望佢哋真係知道煮啲咩俾客食，同服務態度好啲，唔係嘅話，幾好食都死！