Are U Kholic

營業中

休息中

見佢新開都要試一試。今日試咗下午茶。一個正常size嘅韓式牛肉煎蛋炒飯加一杯嘢飲要$88 再加一服務費。下午茶你呢個價錢唔算平。因為已經係下午四點，餐廳裏面基本上冇人。我一入門口個女侍應就喺收銀嗰度叫我行埋去睇菜單，順便喺嗰度落單，咁似乎係冇table Service。 其實都冇所謂，照落單。落完單求其搵張枱坐。發現張枱面冇抹過有啲油漬同污漬。都算數啦。 食物嚟咗之後味道同埋份量都OK嘅。咁我食唔晒，就去返收銀同個女侍應講話要買個外賣盒，點知外賣盒佢哋係收$3 😑呢個價錢完全冇服務，仲要有啲不合理嘅收費（雖然係外賣盒）。相信短期內都唔會再去幫襯成個感覺不太好。