Nonsense

講真，而家好多人都係拉手拉袋，又唔係拉個旅行喼，只不過一個普通袋有支拉桿四個碌，佢都要求人哋放門口，如果我個袋冇四個碌一支拉桿，個size就係一個普通嘅袋，唔通有碌就要放門口咩？我堅持唔放，我朋友就放咗啦，結果佢成餐飯望住自己個袋，因為張枱同門口係有距離，萬一個袋俾人偷咗點算呢？我覺得啲店員唔係從客人嘅角度去諗。講真，我嗰個唔係太大個只係多咗四個碌嘅袋，入面放咗好多貴重嘢，所以我好堅持，一定要拖埋去自己枱底，個袋其實唔大，係可以放喺枱底。結果佢哋見我咁堅持就冇出聲，但係面口唔算好好。如果唔係因為趕時間，冇時間再去搵第二間食，一早就起身走咗。