半島漁港/阿翁火鍋館

營業中

休息中

$298+1/位 任飲任食火鍋，係荃灣黎講唔算抵食~但住荃灣已經食厭咗大鴻輝嗰邊啲火鍋，所以今次就試下位於千色匯的酒樓火鍋~一入到黎職員已經好好招呼，我地今次湯底就揀食咗雞煲先~雞煲味道一般，唔中意可以直接試其他湯底~ 呢度食完雞煲之後可以再揀返其他湯底打邊爐。我地就揀咗鴛鴦湯底~~ 係皮蛋芫茜湯底 & 沙嗲湯底~ $298+1/位係會包埋1份海鮮拼盤，1份刺身，1碟牛，每人1隻水餃皇，同埋1碗雞蓉燴燕窩，味道都唔錯。海鮮好新鮮，龍蝦有啲少 haha 另外還有其他火鍋配料，全部都幾新鮮，冇咩特別好食或唔好食。飲品會包汽水同埋呢隻啤酒，都幾唔錯。總體黎講，呢個價錢唔算CP值高。如果荃灣人食厭啲大路火鍋可以一試，專登黎就冇必要。