影片
更多
2016-01-04
800 瀏覽
味道OK，但員工服務態度極惡劣、機械式工作，一定唔使旨意我再嚟！話說平時甚少入元朗，咁啱呢日要入去，就預先上網搵吓元朗有乜食，見到呢間好多好評，就決定打電話去訂枱。打電話去佢問幾號幾位，我答佢26號2個人。佢答：「3位呀？」咁我以為佢聽錯就話「唔係呀2個」佢又唔應我我又講多次，之後先發現佢原來唔係同緊我講嘢，因為聽到佢講：「等等先我聽埋個電話。」呢吓已經愕咗然，明明就係你問我日子人數，我即刻答你你轉頭竟然唔係聽緊電話又唔同我講聲先……呢單嘢其實我原本都得啖笑，因為諗住香港地做生意係咁上下服務質素，而且最尾都訂好咗，咁就算。但去到現場食完先知原來呢單嘢係惡夢嘅開始！我訂咗7點，佢話要8點半交枱，我話無問題。當日18:05。早咗到，6點鬆啲就到咗，去到我同朋友話2個，有個中年女人問我哋有無訂枱，我話原本訂咗7點但早咗到，我見佢哋全間舖得2個人啱啱坐低咗食嘢，諗住應該都可以俾我哋坐掛。佢話：「咁你7點半交枱啦！」我朋友話：「咦？之前又話8點半嘅？」佢睇咗本簿一睇，就話：「算啦！」之後勁不屑嘅態度，望都唔望我哋，指我哋埋去一張枱坐低。老實講，一個正常人食個飯其實你食得幾慢都好，30分鐘都應該食
味道OK，但員工服務態度極惡劣、機械式工作，一定唔使旨意我再嚟！話說平時甚少入元朗，咁啱呢日要入去，就預先上網搵吓元朗有乜食，見到呢間好多好評，就決定打電話去訂枱。打電話去佢問幾號幾位，我答佢26號2個人。佢答：「3位呀？」咁我以為佢聽錯就話「唔係呀2個」佢又唔應我我又講多次，之後先發現佢原來唔係同緊我講嘢，因為聽到佢講：「等等先我聽埋個電話。」呢吓已經愕咗然，明明就係你問我日子人數，我即刻答你你轉頭竟然唔係聽緊電話又唔同我講聲先……呢單嘢其實我原本都得啖笑，因為諗住香港地做生意係咁上下服務質素，而且最尾都訂好咗，咁就算。但去到現場食完先知原來呢單嘢係惡夢嘅開始！
我訂咗7點，佢話要8點半交枱，我話無問題。
當日18:05。早咗到，6點鬆啲就到咗，去到我同朋友話2個，有個中年女人問我哋有無訂枱，我話原本訂咗7點但早咗到，我見佢哋全間舖得2個人啱啱坐低咗食嘢，諗住應該都可以俾我哋坐掛。佢話：「咁你7點半交枱啦！」我朋友話：「咦？之前又話8點半嘅？」佢睇咗本簿一睇，就話：「算啦！」之後勁不屑嘅態度，望都唔望我哋，指我哋埋去一張枱坐低。
老實講，一個正常人食個飯其實你食得幾慢都好，30分鐘都應該食完食晒，但我訂到枱即係你19:00-20:30已經留咗張枱俾我哋，咁係咪而家我哋早到咗，就要我哋提早離開，等你19:30-20:30呢短短一個鐘留返一個walk-in客，叫碟炒粉食完走人？難道我貪你張櫈好坐要專登坐多一個鐘？而事實觀察，我哋坐到19:35先埋單，佢間店係多咗人，但未至於話爆到要等位，應該係話我無見到出面有人等，而我哋隔離張枱都一直係空嘅。
18:15我哋叫嘢食。見到呢個網寫推介「生蝦」，咁咪問吓佢menu邊度有。中年女人(同上)就答我哋話menu無嘅，要唔要？好彩我朋友醒目，問佢幾錢，佢話$198，啲蝦好大隻有4、5隻。我哋無叫因為一嚟覺得太貴，二嚟因為我哋都唔鍾意大蝦刺身，怕有筋。後尾上嚟再睇人哋comment再睇圖，好彩無叫，因為睇相見到只係大隻過普通蝦少少嘅size。
最後我哋叫咗５樣嘢：泰式鳳爪沙律、煎蝦餅、斑蘭咖喱雞、薄餅、白飯。其中薄餅同咖喱雞係幾好食嘅。
18:30嘢食陸續上。中途見到個中女不停以命令式指點啲細嘅去落單、送菜……
18:40我哋啲嘢食到齊亦到食咗一半，就問個中女「我哋仲有個白飯叫咗。」佢答：「嚟緊架啦。」咁於是我哋就無理會。
18:50我哋食晒咁滯，食淨少少咖喱雞，諗住留返啲雞同咖喱汁嚟撈個白飯食。咁啱有個年輕女侍應嚟收嘢，佢每收一碟都問一句：「仲要唔要？」咁我哋都話唔要淨係要留個咖喱，然後同佢講：「仲差個白飯未到。」佢「喔」咗聲收嘢走人。
19:05白飯都仲未到，啲風就越吹越大（因為係露天），真係咖喱汁都凍晒我哋就食風。我哋無催佢哋因為佢間嘢又唔係大，我一直深信係廚房做唔切。我哋兩個就各自各玩手機等。
19:20個中年女人走嚟問：「係咪差個白飯？」我朋友已經有啲火答咗佢一句：「係。」之後唔夠１分鐘個女人就拎咗碗白飯出嚟，乜都無講放低咗就算，然後我同朋友一食個飯，竟然只係微暖……即係唔係啱啱煮起啦，頂！
19:30聽到後面嗰枱情侶叫咗個串燒之後先發現係辣嘅，就問個中年女人可唔可以轉其他因為唔食得辣，個女人即刻答：「唔得，因為已經煮咗！」就走人。
19:35我哋埋單走人，我朋友想簽卡，個女人就話要滿３００蚊先簽得。點知返到嚟睇comment見到其他人竟然話個女人夠４００蚊先簽得，咁其實即係連簽卡個限額都係海鮮價可以隨心意浮動？
我明白做生意緊要，忙得嚟真係唔可以照顧每一個客人，但食飯唔係貼錢買難受囉！兩個人食３００蚊嘢，但你間舖又唔係抵食夾大件，味道又唔一流，俾我嘅服務態度又係連茶餐廳、大排檔都不如嘅時候，我真係睇吓你做得幾耐囉！
張貼
