DKLM Bar & Restaurant (已結業)

星期五happy Friday 同啲朋友開開心心諗住放鬆下、本身訂咗位，入到去話訂咗位。一個男staff已經語氣唔係咁好話：等陣啦。起初都冇咩野、當可能阻住佢食飯，所以佢語氣差啲。落order舉手舉極都冇人認，忍唔住起身講：唔該。個男staff又係好唔耐快咁講：知架啦知架啦，等陣啦。心裡面已經唔太滿意。食物上度黎，野飲叫極都未上，兩個女staff顧住係bar枱傾計…然後唔知佢啲staff咩事，叫咗兩杯cocktail一杯mocktail ,啲staff唔止送錯兩次野飲，仲要送上黎都唔講杯野叫咩。個男staff態度好差咁行黎話：你地叫咗幾多杯野飲？差啲咩？啲staff送上黎冇講杯野係咩？我就真係理直氣壯咁答佢：叫咗secret garden，送兩次都錯，仲要冇講名。利申會知secret garden兩次都唔係原因好簡單、因為第一次staff送到黎、就黎飲先好急咁話送錯咗，唔好飲，直接拿走。第二次送咗杯有士多啤梨嘅野，但secret garden係冇寫住有士多啤梨。總結食物味道價錢都中尚，但服務態度真係不了，呢啲餐廳一次就夠。