雄丼丼 (已結業)

一班同事去食晏，人多等位，老闆叫我地嗌左嘢先，有位就即刻有得食。等左十分鐘左右就有位，坐左十五分鐘都未有嘢食。追單後竟然同我地講冇長通粉，改螺絲粉好唔好。咁即係漏單啦，咁耐先話冇~跟住嚟左一個粉，仲要係生嘅~ 同侍應講，佢竟然話因為太多人，啲粉難煮熟，轉第二樣好唔好？吓？！多人就煮唔熟，有冇搞錯？我地堅持食螺絲粉，跟住另一個就話幫我地煮熟啲。其實呢度啲嘢食都Okay,不過服務水準真係不敢恭維。嚟左幾次，每次都有錯漏，新開時仲可以接受，都己經一段時間，仲係咁樣真係好差，整得幾好食都係假！雖然佢為左表示歉意減左三蚊俾我地，但係我都係想食得開心，唔係志在三蚊囉！希望間舖會改進，唔係啲好快走哂~