影片
更多
2022-05-08
1025 瀏覽
好L正嘅何蘭正重開啦！對佢嘅認知就係手工啤酒好出名，不過剛過去嘅假期嚟呢度俾佢其他特色飲品吸引住，朋友們唔該搵日陪我去食晚市，等我可以試埋佢哋嘅手工啤酒呀🍻🐖24小時慢烤伊比利亞叉燒 豬油撈飯日本溫泉蛋 韓國紫菜 $178呢個伊比利亞叉燒真係不得了：肥瘦均勻、肉質鬆軟、有燶邊！豬油撈飯都好正，食落唔會太肥膩，可能係因為撈左隻溫泉蛋、紫菜、香蔥同埋醃洋蔥，中和咗啲油膩感👍🏻另外，店員服務態度非常好，會主動收碟/加水/比碗仔我哋食飯☺️🦑是日粉麵：爆炒本地鮮魷 台灣龍膽石斑魚 配蒜片九層塔竹笙手工扁意粉 意大利蕃茄汁 $168呢碟意粉嘅配料組合真係估你唔到！色彩同用料都非常豐富：除咗有主角——勁多爽口鮮味嘅魷魚同兩件啖啖肉嘅石斑魚，仲有翠玉瓜、小棠菜、小粟米、蕃茄、竹笙，配埋蒜片同九層塔，成件事好似好唔夾，但整出嚟好好食🤗🌽香濃粟米巴斯克芝士蛋糕 辣椒仔漬芒果粒 日本柚子雪酪 焦糖爆谷 $118粟米味嘅巴斯克芝士蛋糕你食過未？未食過嘅可以嚟呢度試吓！蛋糕有手掌咁大件，好濃粟米味；加埋酸酸甜甜嘅冰凍柚子雪芭，仲有帶點香辣嘅鮮甜芒果粒粒同焦糖爆谷，完全係味覺上嘅衝擊🤣☕️越式椰子咖啡沙冰 $68咖
🐖24小時慢烤伊比利亞叉燒 豬油撈飯
日本溫泉蛋 韓國紫菜 $178
呢個伊比利亞叉燒真係不得了：肥瘦均勻、肉質鬆軟、有燶邊！豬油撈飯都好正，食落唔會太肥膩，可能係因為撈左隻溫泉蛋、紫菜、香蔥同埋醃洋蔥，中和咗啲油膩感👍🏻另外，店員服務態度非常好，會主動收碟/加水/比碗仔我哋食飯☺️
🦑是日粉麵：爆炒本地鮮魷 台灣龍膽石斑魚
配蒜片九層塔竹笙手工扁意粉 意大利蕃茄汁 $168
呢碟意粉嘅配料組合真係估你唔到！色彩同用料都非常豐富：除咗有主角——勁多爽口鮮味嘅魷魚同兩件啖啖肉嘅石斑魚，仲有翠玉瓜、小棠菜、小粟米、蕃茄、竹笙，配埋蒜片同九層塔，成件事好似好唔夾，但整出嚟好好食🤗
🌽香濃粟米巴斯克芝士蛋糕
辣椒仔漬芒果粒 日本柚子雪酪 焦糖爆谷 $118
粟米味嘅巴斯克芝士蛋糕你食過未？未食過嘅可以嚟呢度試吓！蛋糕有手掌咁大件，好濃粟米味；加埋酸酸甜甜嘅冰凍柚子雪芭，仲有帶點香辣嘅鮮甜芒果粒粒同焦糖爆谷，完全係味覺上嘅衝擊🤣
☕️越式椰子咖啡沙冰 $68
咖啡本身好香濃，加埋細滑嘅椰子沙冰，整體唔會太甜，椰子同咖啡味都平衡得好好😋
🥥椰青龍井冷泡茶 $58
呢杯特色飲品同樣出色，結合咗椰子味嘅香甜同龍井嘅茶香，喺其他餐廳你絕對試唔到呢個味道😚
張貼
