澳瑪葡國菜 (已結業)

同老婆仔係尖沙咀行街行到累累地, 想搵個地方抖下食下TEA, 老婆仔就話記得之前食過一間好好味既葡撻, 甘就帶左我去澳瑪喇。一入去, 店內裝修真係好有葡國feel，有一大塊玻璃可以睇海景，都幾寫意。佢地既下午茶餐就只有二人餐一款, 一係就散叫。都幾多野食下, 但味道就...最頂係朱古力軟心蛋糕同肉桂蛋糕。朱古力軟心蛋糕係我覺得甘多樣最好味既, 香濃既朱古力味, 唔會太甜, 中間仲有少少暖既朱古力醬,好味。因為本人唔愛肉桂, 所以還好, 但老婆仔話蛋糕夠棉, 肉桂味好香。第二層係招牌葡撻同豬扖包。葡撻果然有一手。 酥皮很鬆化,而且夠薄而脆, 中間蛋餡很滑有奶香味。豬扖包就略嫌太乾, 豬扖亦很薄, 但個芥末醬甜甜辣辣好好味, 救番個包。最底就可以SKIP...葡式雞批皮好厚, 入面食唔到雞肉但係一PAT 拉絲既餡, 好似食緊納豆甘, 口感同味道都唔合格。仲有個肉腸包,好厚既包皮, 入面得幾片薄薄既腸仔, 醬料就咸咸地有D似叉燒醬, 但叉燒包絕對好味過佢。總括黎講, 如果想搵個地方坐得舒舒服服吹下水既, 澳瑪係一個好既地方。但如果要食埋野, 都係散叫朱古力軟心蛋糕同葡撻好喇。