龍璽酒家 (已結業)

母親節，諗住搵間食好d，就諗到去101樓---今次揀嘅係龍璽酒家。位置一流，位於九龍站，圓方有專lift直上101樓，尊貴感爆升👍一踏入，270度嘅落地玻璃，維港景一覽無遺，還要位於101層樓高，整個香港站於腳下，呢個感覺，一個字:好正。(單係食呢個景已足夠😍)原本打算食點心，但見點心種類未算太多，所以點選了個商務午餐。燉湯鮮甜。芋角炸得脆口不見油膩。龍蝦爽彈。豬髀夠腍但偏鹹。簡單來說，位置環境好，服務合格，每道菜式也是水準之上，但未見突出。午餐吃了700多元，個人覺得也頗貴。(其實同期也推出888之母親節套餐，這個其實抵食的，祇不過實在不想於午時享用。)