根

營業中

休息中

住附近，有次lunch太多人排隊，今日想食early dinner 所以行去食呢間，利申唔係柳柳粉。店員問我哋坐唔坐吧枱，我哋想坐樹位，喺出邊等咗5分鐘就有位。見到Menu上有意粉、沙律、小食、甜品，我地只係揀左辣椒虎蝦意粉、卡邦尼意粉同埋仙人掌甜品。出去落單嘅時候話咗甜品要後上，但係都嚟咗先，咁唔緊要一齊食。我個卡邦尼意粉嚟先，黎到發覺係凍嘅，我以為有一隻生雞蛋上邊，所以側邊啲意粉係凍，點知食下邊最底嘅意粉都係凍嘅，以我成日煮食嘅經驗嚟睇，碟意粉起碼擺咗10-15分鐘先送來，但我朋友個虎蝦意粉就係正常熱辣辣嘅。味道都OK，有啲煙肉脆粒，同芝士碎，仲有啲類似煙肉嘅嘢，但食食吓覺得有啲有啲滯；我朋友個虎蝦意粉就話OK。個仙人掌甜品幾好食，但個底係類似金莎榛子味，食食吓都有啲覺得太甜，好彩淨係叫咗一個甜品。店內環境好靚，我地坐樹位都影咗好多相，店員都細心介紹個Menu上邊有咩食，但如果意粉係凍同埋呢個質素價錢就偏貴，兩個人食咗兩碟意粉同一個甜品，共$444。食完走咗之後我滯咗成個鐘，應該係啲煙肉太肥同啲芝士碎落得太多。總括嚟講環境係舒服嘅，但因為太滯唔會再去。