小糖鈕 (已結業)

與朋友尖沙咀shopping後，想搵間可以邊食甜品邊閒聊既地方。經網上見到小糖鈕甜品好精緻好特別，就即刻去試下。係樓上鋪，地點好易搵到。下午茶時段，唔係好多人。我地揀坐近窗邊位置，環境舒適。餐廳裝飾特別，好多色彩繽紛鈕扣佈置。我地點了兩款甜品，第一款74%特濃朱古力軟布甸，朱古力味濃郁，唔會太膩，好飽肚。上枱時，侍應會倒唔知咩水落去，即時冒出一陣白煙，好夢幻😇第二款柚輪，蜜柚芭菲拿破輪，柚子雪葩好清新，夠凍唔易溶，拿破崙橋酥脆可口，伴碟既柚子肉都好清甜👍🏻