影片
更多
2021-11-05
78 瀏覽
醒起好似好耐無食生蠔，一直都想試下oyster station😍見銅鑼灣新開左間就入咗去試！餐廳空間幾大，有唔少卡位。仲有兩部電視播啲好hit既歌，環境同氣氛都好好，好適合情侶約會🤣有一個自助區，可以食沙律同飯，同飲羅宋湯。羅宋湯好飲😋唔會好似好多餐廳咁好稀又無味，呢個個濃度啱啱好，酸酸地好開胃，男朋友仲飲左兩碗🤣飯都香同好咬，無飯焦的，不過擺耐左就無咁熱🤣3點之前都可以嗌lunch set，我哋兩個人嗌咗石燒日本黑豚肉眼同埋菠菜煙肉pizza，另外當然要試吓啲生蠔，跟set嗌既話6隻都係120蚊炸😍先講吓生蠔，有美國 韓國 同愛爾蘭嘅，我哋都覺得美國嗰兩隻最好食🤣不過六隻都好大粒又鮮甜，完全唔會覺得好腥，質素都對得住個價錢。食燒黑豚肉眼一嚟到就聞到好香嘅扒味🤩有兩塊扒份量都啱啱好 每個位都有啲肥膏但又唔會好肥，肉質都易咬唔會鞋颯颯，推薦大家試呢個！菠菜煙肉pizza都係第一次食，食完上面嘅野都有啲驚食唔囇，不過原來pizza係薄底，兩三個人share就啱啱好👍🏻菠菜同煙肉都足料，個pizza底係脆架🤩啲芝士唔鹹同埋唔會食到你滯，88蚊嚟講都算抵。最後嗌左杯青蘋果梳打。都幾大杯，有啲似
餐廳空間幾大，有唔少卡位。仲有兩部電視播啲好hit既歌，環境同氣氛都好好，好適合情侶約會🤣
有一個自助區，可以食沙律同飯，同飲羅宋湯。羅宋湯好飲😋唔會好似好多餐廳咁好稀又無味，呢個個濃度啱啱好，酸酸地好開胃，男朋友仲飲左兩碗🤣飯都香同好咬，無飯焦的，不過擺耐左就無咁熱🤣
3點之前都可以嗌lunch set，我哋兩個人嗌咗石燒日本黑豚肉眼同埋菠菜煙肉pizza，另外當然要試吓啲生蠔，跟set嗌既話6隻都係120蚊炸😍
先講吓生蠔，有美國 韓國 同愛爾蘭嘅，我哋都覺得美國嗰兩隻最好食🤣不過六隻都好大粒又鮮甜，完全唔會覺得好腥，質素都對得住個價錢。
食燒黑豚肉眼一嚟到就聞到好香嘅扒味🤩有兩塊扒份量都啱啱好 每個位都有啲肥膏但又唔會好肥，肉質都易咬唔會鞋颯颯，推薦大家試呢個！
菠菜煙肉pizza都係第一次食，食完上面嘅野都有啲驚食唔囇，不過原來pizza係薄底，兩三個人share就啱啱好👍🏻菠菜同煙肉都足料，個pizza底係脆架🤩啲芝士唔鹹同埋唔會食到你滯，88蚊嚟講都算抵。
最後嗌左杯青蘋果梳打。都幾大杯，有啲似飲緊apple cider😍
總括嚟講lunch係幾抵食嘅，又高質素，環境又靚同舒服，可以再試吓啲靚生蠔🦪😍😍
張貼
