Futago HK大阪燒肉 (已結業)

PJ每年都會為J的表弟和P的外甥一齊慶祝生日，原因是他們年紀相約，兩位都是食肉獸。他們正值發育時期，為免被他們吃致破產，我set了$1300元budget給他們點菜，究竟2位大男孩，加大叔P，加埋大嬸J，用$1300元來吃Futago，食得飽嗎？因為budget關係，我們一碟海鮮也沒有點，當中最抵食的是訂位時已預留了一份的超大牛小扒，塊扒足足有個烤爐咁大塊，燒到着哂火因為呢塊牛有1/3都係肥膏。肥膏嗰邊由P的外甥全數包辦，我見他吃得十分滋味，完全不覺得膩，年輕人的消化能力真强！其他的燒肉價錢也相宜，每碟4-6件，售價$60-$80元不等，味道不錯，可惜分量對發育時期的他們來說真的有點細，他們狂掃10碟之後同我講話唔飽喎。OK，唔飽就轉攻飯類。J表弟十分識做地點了青葱温泉蛋飯，P外甥就不顧一切地點了最貴的海膽飯。衰仔真識食，碗飯堅好味，最後我都叫多碗encore。最後埋單$13xx，算是within budget。以下是各人的飽肚旨數:大嬸 J - 80%大叔 P - 65%J 的表弟 - 90%P 的外甥 - 79.99%報告完畢, 明年再戰。