德美壽司

營業中

休息中

朋友話想食壽司，話想食番以前中學個味。今次就嚟咗大埔嘅德美壽司，呢間餐廳門口都掛住好靚好日系嘅橙色燈籠，裝修以以前日式嘅木調為主，入面有好多木雕嘅藝術品。餐廳唔算大，但係算坐得幾舒服。今次點左：✨大蝦刺身沙律俾我想像之中勁足料，面頭仲有好多蟹籽。食到底都仲係會有醬汁，唔會食到尾剩係得生菜乾錚錚。✨野菜牛肉鍋因為天氣凍，有啲想食熱嘢，所以叫咗個野菜牛肉鍋！入面有生牛肉，利用個熱鍋入面嘅熱湯，令到個生牛肉熟得啱啱好，保持嫩滑。仲有好多蔬菜同埋豆腐，粉絲同雞蛋，所有嘢都恰到好處，超夾。✨牛油果軟殼蟹卷 我去個陣我朋友已經叫我一定要叫牛油果軟殼蟹卷 所以我期望好高，點知真係冇令到我失望，佢個軟殼蟹炸得來唔會好油，而且落碟仲係熱辣辣！揸到好酥脆嘅軟殼蟹再加埋牛油果同埋蟹籽，再加埋青瓜絲鋪喺上面，再加埋沙律醬，我真係有咁大擘咁大個把口😆咩形象都唔想理啦！✨三文魚腩壽司🍣油甘魚壽司🍣每件壽司都好新鮮，啲刺身唔會好薄，魚肉肥油適中。