壹級日本料理 (已結業)

要做一間食肆真係唔係咁容易，陣唔中都要轉一轉口味迎合大家要求，一年四季都有不同應節美食，咁食先至有驚喜，又可以同時保持人氣，講番今次又去左食火鍋，不過唔係火鍋店食，而係喺日本料理店品嚐，同時一次食到兩種特色美食先點左火鍋湯底，都有幾款口味選擇，再點埋精美火鍋配料就開始是日晚餐，先有海鮮廣島蠔，入口啖啖鮮甜又食到肥大嘅蠔肉，再來有爽脆鯇魚腩，食到魚腩肉質鮮嫩爽甜，配上鮮甜湯底食落更加鮮食得火鍋又點會少左肉呢D美食，就點了呢款犇拼盤有齊安格斯西冷片、和牛粒同牛脷， 同時間食到不同特色部位西冷片肉質嫰滑味濃郁，和牛粒肥美多汁口感十足，牛脷肉質夠爽滑，真係啱晒我口味食得夠滋味有牛肉當然梗有埋豬肉，有黑豚腩片，估唔到肉質咁細嫩又香滑，入口仲食到陣陣香甜油脂有驚喜品嚐完一輪美食，再食埋手打烏冬配埋其他火鍋配料咁食先至完美食法天氣冬冬地最埋食一餐暖笠笠火鍋。