三姐松記糖水 (已結業)

食完個晚餐，我同老公都唔係太飽所以我哋走咗去食糖水榴槤處處，啱晒我呢個榴槤迷，第一啖食咗紫米露上面嘅榴槤蓉，好重榴槤味，超正，食完個口腔完全充滿榴槤嘅香味旁邊嘅榴槤pancake都好食，混合忌廉再加榴槤蓉，完全係食咗榴槤嘅精華旁邊嘅雪糕佢俾咗椰子雪糕我，不過唔緊要啦，椰子味好重，好香特盛仙草凍，老公想食啲煙煙un un嘅糖水,所以點左芋圓、我都試左一粒，都好大粒，佢嘅雪糕可以轉口味㗎擂沙三拼湯圓，有晒芝麻，花生同埋奶黃味各兩粒，我最鍾意花生味，沾上上面嘅花生一齊食，好有口感