千歲擔擔麪

營業中

休息中

收工黎左觀塘裕民坊商場買需要品，肚餓了😜上左3樓的花園平台搵食，我地見呢間#千歲擔擔麵 ，都坐滿近6成客人，應該唔錯掛就進入開餐囉☺️。點了小食🥟一口鍋貼，共有5隻，但比起其他店，佢就細粒左少少，但真係皮薄餡靚，咬落皮帶有煙韌感，豬肉餡都多汁，點埋醋汁更可口😊。老友至愛的擔擔麵，改良擔擔麪（辣），湯🥣濃郁但唔係覺得好咸，麵條原來是詠藜園出品，煮得不會過淋且很掛湯，將底下的肉碎、花生🥜拌勻，隔一陣待麵索下d汁才吃，更正更惹味。蕃茄魚頭豆腐湯， 有半個魚頭超大個，2個人飲湯都飽晒，魚雲滑滑又補腦，個湯好清甜又有營🥳。