信記避風塘海鮮美食

營業中

休息中

當日係女兒生日，囡話係母親受難日，所以個女話帶我去食海鮮。事前故作神秘沒講黎哩度吃，總之話好貴。6:00 到達海傍，先坐駁船去避風塘，大約1分鐘到達，然後每枱一架小船，可能當日係黃雨，個天黑得好快，間中有風吹到架船好搖，小船內沒有冷氣有兩把封晒塵的風扇，場內頗為焗促。講返食物，我地3人，套餐有灼蝦，避風塘炒蟹，炒蜆，蒸勝子，蟹油炒面，螺(忘記影相)，外加一個蝦腐皮卷(好似$15X一碟)。份量小不得只 ，味道都係麻麻地，蟹有小小"梅"，蜆好細隻，有小小凍凍地唔覺得佢哋喺現場到煮，似係煮好之後先係架船到回鑊但炒得唔夠。蝦腐皮卷應該係買現製品再翻炸的。唯一好食竟然係碟油菜。哩餐埋單大約$1500，事後先知原來要加二服務，完全不值咁KE 價。唯一係體驗一下漁船上吃飯的風味，不過No More Next Time。就算有外國朋友來也不會帶佢地黎，去西貢或屯門食應該都好過哩度。