影片
更多
2010-04-16
26 瀏覽
14-4-2010約朋友食 dinner, 想平平哋搞得掂, 喺尖沙咀卻諗極都諗唔到去邊, 不如去佐敦碰運氣吧. 8:xx pm 路經呢間小籠包店, 幾有興趣, 又試試.2 人叫了 4 款小食, 3 款包 / 餃類, 及 2 客甜品 share 食, 每人食了約 $90 味道又不錯, 印象 ok 的:-滷水蛋: 賣相樣衰到呢 , 鹵水亦唔算好香, 不過鴨蛋 (?) 蛋味好濃, 仲有一兩隻蛋黃係溏心的, 帶點甜, 算佢啦.鎮江肴肉: 瘦肉 vs「啫喱」比例約 2:1,「啫喱」幾鮮甜, 瘦肉鹹度剛好又幾鬆化, 都幾好食; 不過鎮江醋就酸而不香, 唔蘸好過.蒜泥白肉: 白肉薄切, 好瘦又好嚡口, 仲好似食到軟骨? 下面的粉皮好厚, 又唔滑口, 麻麻哋; 蒜泥醬油就好夠味, 醬油帶甜, 生蒜就勁多, 食完個口好臭, 啱晒我. 醉雞: 幾多骨, 不過雞皮爽滑, 雞肉夠嫩, 酒香夠, 雖然我覺得甜一點會好食好多, 但至少無苦澀味, 其實都無乜嘢可以挑剔了 -- 除非你追求好濃雞味吧! 2 籠 4 隻小籠包: 唔「小」, 賣相扁撻撻的 頂部粉較多, 但無硬實的情況出現, 底部
約朋友食 dinner, 想平平哋搞得掂, 喺尖沙咀卻諗極都諗唔到去邊, 不如去佐敦碰運氣吧. 8:xx pm 路經呢間小籠包店, 幾有興趣, 又試試.
2 人叫了 4 款小食, 3 款包 / 餃類, 及 2 客甜品 share 食, 每人食了約 $90 味道又不錯, 印象 ok 的:-
滷水蛋: 賣相樣衰到呢 , 鹵水亦唔算好香, 不過鴨蛋 (?) 蛋味好濃, 仲有一兩隻蛋黃係溏心的, 帶點甜, 算佢啦.
鎮江肴肉: 瘦肉 vs「啫喱」比例約 2:1,「啫喱」幾鮮甜, 瘦肉鹹度剛好又幾鬆化, 都幾好食; 不過鎮江醋就酸而不香, 唔蘸好過.
蒜泥白肉: 白肉薄切, 好瘦又好嚡口, 仲好似食到軟骨? 下面的粉皮好厚, 又唔滑口, 麻麻哋; 蒜泥醬油就好夠味, 醬油帶甜, 生蒜就勁多, 食完個口好臭, 啱晒我.
醉雞: 幾多骨, 不過雞皮爽滑, 雞肉夠嫩, 酒香夠, 雖然我覺得甜一點會好食好多, 但至少無苦澀味, 其實都無乜嘢可以挑剔了 -- 除非你追求好濃雞味吧!
2 籠 4 隻小籠包: 唔「小」, 賣相扁撻撻的 頂部粉較多, 但無硬實的情況出現, 底部的皮薄但唔易爛, 加埋入面勁多夠熱的湯汁, 及幾鮮甜的豬肉餡, 好食喎 雖然同意朋友話「滬江好食 d」(即係呢度: http://www.openrice.com/restaurant/commentdetail.htm?commentid=1910561; 雖然佢去的係銅記分店) 因為 d 餡「香 d」, 但呢度 4 隻只賣 $24 有咁好質素, 值得試試的.
蒸銀絲卷: 係真正的銀絲卷, d 絲多到呢 食落質地軟熟, 少少甜, 帶麵粉香, 正!
素菜餃: 以為係「花素餃」所以 order 了一籠, 但原來係餃皮厚厚又濕溼溼, 餡料 (冬菇, 磨菇, 仲好似有筍...) 又「漿糊」都乜的兩隻嘢, 感覺似製作失敗的潮州粉果, thumbs down!
高力豆沙 (一客 2 件): 糖粒係粉紅色 豆沙餡香甜又夠滑, 不過蛋白外層幾厚又異常實淨, 搞乜鬼?
酒釀丸子:「湯底」夠甜, 帶少少桂花香, 酒味夠, 無酸澀味, 丸子亦夠煙韌, 還不錯.
食物算不錯, 衛生就認真麻麻, 成餐飯兩隻小昆蟲不斷 "flirt", 喺我哋 d 嘢食上空飛來飛去 , 招呼亦「茶記」得很, 食完還是快閃好了.
埋單每人約 $90, 唔貴, 喺呢頭都都值得一試的.
張貼
