喜亭軒 (已結業)

又到左出糧嘅時候，決定要同朋友食餐飯好東西去平衡心理，知道旺角有一間可以食盡三種服務嘅餐廳，佢可以同時食雞煲打邊爐同埋鐵板燒，咁有噱頭一定要去試吓啦，環境十分寬敞而且好多卡位可以坐適合一家大細同埋情侶去，地區劃分非常清晰嘢飲種類繁多而且仲可以有雪糕拎，我哋先食咗雞煲先，雞煲同平時食一樣味道好出色而且雞件非常多連埋配料簡直係冇得彈同埋佢可以無限添食，之後我哋轉左打邊爐同埋鐵板燒，打邊爐配料都係平時嗰啲，雪花肥牛同埋墨魚滑仲有海鮮都值得推介，而湯底有五六款可以揀我哋揀咗蕃茄湯底，個湯底食之前可以飲一啖補充一下，之後佢送咗一個刺身拼盤，呢個係每一台都可以得到嘅獎品，刺身方面三文魚同埋北極貝都好肥美入口即溶，加上甜蝦同埋帶子都好新鮮做開胃菜簡直係一流，而看燒方面佢個醬汁條配得好好點左肥牛同埋豬肉去燒簡直係雙重享受，又可以打邊爐同埋食鐵板燒食到個人好忙碌，食到咁上下就可以出去甜品區攞雪糕食，有我最鍾意嘅甜筒同埋朱古力味雪糕。價錢唔會話太貴絕對合理至上，希望下次可以同朋友再嚟試吓。