皇軒私房菜 (裝修中)

今晚肥妹仔去咗一間位於尖沙咀樓上舖食私房菜，一入到去個地方非常光猛，裝修簡約俐落，環境好唔錯。溏心蛋半碗麻沙律個糖心蛋做得好出色，蛋黃非常香濃，沙律菜好新鮮。招牌石岐乳鴿呢一隻燒乳鴿真係超級好食，皮脆肉嫩，而且調味剛剛好，唔會過咸或者過淡，乳鴿肉質嫩滑，鮮甜，非常出色。時令燉湯呢一個時令燉湯係蟲草花燉雞湯，個湯好清，好鮮甜，完全冇落味精，飲完一啲都唔口渴。蠔皇鮑魚拌飯呢一個蠔皇鮑魚拌飯好好食，佢個汁係好香濃，可以撈曬啲白飯。冬菇非常之大粒，鮑魚好香好鮮甜，煮得剛剛，好軟硬適中。香煎北海道元貝元貝大大粒，外表煎到微脆，入面仲保留嫩滑嘅帶子肉 ，非常厚心。燒羊架個羊架又係做得好出色，佢唔算非常大隻，但係勝在肥肉比例剛剛好，咬落去入口即溶，而且羊騷味唔強，唔食得羊嘅朋友都可以一試。津菜玉荷包呢一個玉荷包真係非常精緻，入面係包住冬菇粒，碎肉， 芋頭 等等應，該係事先炒香咗，再用津菜包住，所以食落去一啲都唔單調，超級好食。菊花豆腐 超級靚嘅甜品，個底係薑汁糖水，超濃薑味，超級驅寒。濃湯雞翅佢個雞湯好好飲，超濃雞味，啲魚翅爽口彈牙，大滿足。珍寶花膠扒 話說肥媽係超級鍾意食花膠，時不時都會屋企自己煮