旺囍車仔麵 (已結業)

​ 成日出旺角，食黎食去都係米線呀，魚蛋呀，掃街之類， 食到悶，所以上下openrice附近有乜好食。 就俾我search到依間旺囍車仔面，門面好易搵， 一坐低，就有人俾menu我地，係用過膠片做嘅menu， 用蠟筆選食物，好環保。 我就要咗蕃薯粉，牛坑腩，雞翼尖，豬紅，魚肉，炸魚皮，蟹籽丸，豆漿。 豬紅好嫩滑，夠入味，男朋友話魚肉春卷最正，有炸過，牛腩炆得好入味，豬腸無怪味。 男朋友就出前一丁，牛孖根，豬大腸，牛腩，豬軟骨，魚肉春卷同豆漿。 叫咗咁多至係159炸！！！！！ 碗麵重要好大碗，麵黎到果陣我見到小咗炸魚皮， 就問店員，原來魚皮係新鮮即炸嫁，所以要等耐小小。 餸量亦有好多，遮住哂d麵。最好食既就係炸魚皮，好香脆，粉好薄，等得耐都值得既！ 豆漿唔係店家自己整，係工場送過黎既，豆香，唔太甜幾健康既感覺。 男朋友好鐘意食辣，所以一見到辣椒醬佢必試， 依個醬同坊間紅色既唔同，依個係鹹香花椒重dd既，唔太辣。 話說食食下我就留意到有中英對照menu，方便旅客食下地道車仔麵，同埋有得八達通俾錢。 係旺角行街不妨一試！