2DP (已結業)

今日同朋友去咗尖沙咀食素，依家素食嘅餐廳選擇真係好多，餐廳環境舒適，都見唔少人嚟食素，食物既份量都好足，大碟又精緻。 牛油果羽衣甘藍沙律 呢個沙律十分豐富，面層有三色藜麥，仲有堅果類及蕃茄仔，軟熟香滑嘅牛油果，配上香橙油醋汁，醬汁味道偏甜，可以中和一下羽衣甘藍天然嘅苦澀味道。牛肝菌impossible肉碎闊條麵闊條麵口感彈牙，麵條較為硬身，牛肝菌味道濃郁，醬汁份量剛好，足夠掛滿麵條，素肉碎粒嘅同牛肉味道又真係差異不大，仲有雜菌，整體味道好夾，好滋味。酥炸植物豬扒外層炸得好鬆脆，有香濃既大豆味，口感唔鞋，食落好似真豬扒，仲有沙律醬，呢個小食真係好唔錯。生酮防彈奶昔由牛油果、可可粉、杏仁奶打成既奶昔，入口好順滑，杏仁奶既味道好出，可可味相對較淡，微甜又飽肚。