四合院 (已結業)

堅伏喎！今日晏晝咁啱係灣仔做嘢，想揾啲唔太貴嘅晏仔食下都好辛苦。見到 kfc 同譚仔排晒長龍，行下行下見到四合院，裝修幾得意喎，望下佢門口個 lunch set menu 價錢都幾合理咪入去囉。一嚟到個例湯勁鹹，主菜嗌咗個回鍋肉。個回鍋肉一啲都唔辣有啲失望，豬肉超梗，又韌又難咬，唔望仲以為自己食緊豬肉乾添。其餘啲椰菜呀，汁呀都夠撈飯嘅。啲白飯都俾得幾多下。以飽肚嘅角度嚟講都ok嘅，但以味道，食物質素嚟講真係好唔掂。