影片
更多
2019-11-08
468 瀏覽
轉左番工地點之後，好少見到男友，是日約好出去大吃一番。人就係好奇怪，成日都話減肥，但係又會好想瘋狂咁食肉。天氣稍涼，食燒肉都岩岩好，2人都點了A4和牛燒肉放題。A4和牛拼盤：總共有6個部位。不同部位的和牛切成一樣大小的形狀，漂亮的粉紅色，雪花分佈均勻，每塊都沒有瑕疵。肉質細嫩有質感，入口即溶，對於不嗜牛的肥，竟然食起來每一口都是享受。另外配有粉紅岩鹽，沾上燒肉就更是點綴。刺身拼盤：刺身鮮甜味美，彈牙有口感。估唔到日式燒肉店的刺身都不會令人失望。青森蘋果壺漬赤豚肉/雞腿肉：無論豚肉還是雞腿肉，佢地都吸收左蘋果汁，所以燒好之後會帶有淡淡的蘋果香。雞腿肉嫩滑；豚肉則比較爽口，肥膏分佈均勻，連油脂都會有清新嘅蘋果香。鹽燒黑豚肉：鹽燒對肥A來說根本就是無抵抗力。黑豚肉比起赤豚更有豬味，咬落充滿肉汁。岩鹽青檸豚拖羅：個人非常喜愛豚拖羅這個部位。厚度適中，燒起來都唔會咁易失敗。青檸可以去掉豚肉嘅油膩，微鹹，正。香草汁雞腿肉：香草汁相對地比較重口味，用黎配飯比較夾。尚八芝士角切依達赤豚：豚肉粒沾上芝士粉拎去燒，因為技巧問題，芝士層不見了，但都有淡淡的芝士味，豚肉粒有啲厚，比較難熟。鹽燒/柚子薄切黑豚肉
轉左番工地點之後，好少見到男友，是日約好出去大吃一番。人就係好奇怪，成日都話減肥，但係又會好想瘋狂咁食肉。天氣稍涼，食燒肉都岩岩好，2人都點了A4和牛燒肉放題。
A4和牛拼盤：總共有6個部位。不同部位的和牛切成一樣大小的形狀，漂亮的粉紅色，雪花分佈均勻，每塊都沒有瑕疵。肉質細嫩有質感，入口即溶，對於不嗜牛的肥，竟然食起來每一口都是享受。另外配有粉紅岩鹽，沾上燒肉就更是點綴。
刺身拼盤：刺身鮮甜味美，彈牙有口感。估唔到日式燒肉店的刺身都不會令人失望。
青森蘋果壺漬赤豚肉/雞腿肉：無論豚肉還是雞腿肉，佢地都吸收左蘋果汁，所以燒好之後會帶有淡淡的蘋果香。雞腿肉嫩滑；豚肉則比較爽口，肥膏分佈均勻，連油脂都會有清新嘅蘋果香。
鹽燒黑豚肉：鹽燒對肥A來說根本就是無抵抗力。黑豚肉比起赤豚更有豬味，咬落充滿肉汁。
岩鹽青檸豚拖羅：個人非常喜愛豚拖羅這個部位。厚度適中，燒起來都唔會咁易失敗。青檸可以去掉豚肉嘅油膩，微鹹，正。
香草汁雞腿肉：香草汁相對地比較重口味，用黎配飯比較夾。
尚八芝士角切依達赤豚：豚肉粒沾上芝士粉拎去燒，因為技巧問題，芝士層不見了，但都有淡淡的芝士味，豚肉粒有啲厚，比較難熟。
鹽燒/柚子薄切黑豚肉：薄切豚肉非常適合速食，柚子味不夠濃，稍有失色。
鹽燒手羽先：雞翼貼心的變單骨，所以都好快可以食。雞翼雪味有點濃。
燒蜆（季節限定）：大大隻，沒有沙，睇住佢打開蓋果下又係幾開心。鮮味十足。
鹽燒虎蝦：虎蝦就不算太新鮮，質地有點霉，而且不算太大隻。
汁燒金菇：金菇呢樣食物真係燒烤打邊爐兩皆宜。多汁爽口。
日本甜番薯：番薯仔細細粒幾好味，又夠甜，可以為食肉單加點纖維。
清酒煮白蜆：呢個白蜆有沙，清酒味不濃，味道都偏清淡。
汁燒茄子：茄子這樣燒都不錯。
南瓜：燒失敗了，太焦。
尚八豆腐：冷豆腐質感厚實，配上尚八特製微辣醬汁，頗開胃。
香草牛油帆立貝：這個是必食，超鮮甜，大大隻，又多汁，又唔會黐牙。肥A encore左幾隻。
香草牛油靈芝菇：靈芝菇比較少在燒肉店入面搵到。但係咁樣又好好食，好多汁，菇味濃。
鮮菠蘿：燒菠蘿好甜好多汁，又無渣。
溫泉玉子湯烏冬：烏冬出奇地滑同彈牙，肥A好想食多幾碗，但你要留肚食燒肉。另外溫泉玉子做得很好，溫泉蛋汁剛剛浮在烏冬面上，掛蛋汁，好味。
椰子雪條：好味嘅甜品可以為一餐飯畫上一個完美嘅句號。呢個椰子雪條雖然唔係自家製，但係椰子味濃，完全唔係現成椰汁整出黎，唔會太甜，幾清新。
總括，食物質素不錯，特別係和牛，豚肉和帆立貝，反觀雞肉比較一般。侍應服務態度殷勤，會定時查看客人需要，頗貼心。而且飲品是任飲的，除左一般可樂七喜等汽水，佢都有提供菊花蜜，百果蜜等飲品，讓客人無咁熱氣。
張貼
