影片
更多
2018-12-08
6888 瀏覽
今日同大佬撐枱腳, 男人都係食肉獸, 就係附近揀咗呢間韓燒滿足佢食肉嘅要求, 平昌位於佐敦地鐵站附近, 交通極便利。平昌鐵板燒分三種自助餐 ~ 大君、世子及國王, 任食兩小時, 平日價價錢由$188至$378, 貴的可吃埋平的菜單, 我哋就採取中庸之道食世子, 最貴的國王就有鮑魚及韓國肉。自助食品只有飲品櫃及雪糕櫃, 飲品及雪條都係一般大路野。 三種醬汁; 麻油薑蓉、韓式麵豉醬及柚子醋汁。世子 ($258)除咗韓燒食品, 仲提供前菜、麵飯及熟食, 熟食方面有韓式燉猪肋骨、安東燉雞、炸雞海鮮泡菜煎餅及醬油蝦等。推介items**醬油蝦 ~ 醬油蝦浸得入味, 蝦肉好爽口, 味道不錯, 不過始終係生蝦唔敢食太多。**韓式燉豬肋骨 ~ 豬肋骨燉得好腍好入味, 韓式醬汁油甜甜地, 幾好味。**安東燉雞 ~ 雞肉好滑溜, 醬汁味道其實係同豬肋骨嘅一樣的。 **烤大蝦 ~ 大蝦新鮮, 體積中等, 烤完唔太乾, 蝦肉爽甜juicy。**牛前胸腹 ~ 油脂豐富, 香口兼肉質嫩滑。**LA牛排骨 ~ 出奇地好味, 牛排骨黐住牛肉中間嗰層肉非常肥美好食。**辣醬牛腩花肉 ~ 大佬最鍾意呢個, 薄薄一片烤
平昌鐵板燒分三種自助餐 ~ 大君、世子及國王, 任食兩小時, 平日價價錢由$188至$378, 貴的可吃埋平的菜單, 我哋就採取中庸之道食世子, 最貴的國王就有鮑魚及韓國肉。
自助食品只有飲品櫃及雪糕櫃, 飲品及雪條都係一般大路野。
三種醬汁; 麻油薑蓉、韓式麵豉醬及柚子醋汁。
世子 ($258)
除咗韓燒食品, 仲提供前菜、麵飯及熟食, 熟食方面有韓式燉猪肋骨、安東燉雞、炸雞海鮮泡菜煎餅及醬油蝦等。
推介items
**醬油蝦 ~ 醬油蝦浸得入味, 蝦肉好爽口, 味道不錯, 不過始終係生蝦唔敢食太多。
**韓式燉豬肋骨 ~ 豬肋骨燉得好腍好入味, 韓式醬汁油甜甜地, 幾好味。
**安東燉雞 ~ 雞肉好滑溜, 醬汁味道其實係同豬肋骨嘅一樣的。
**烤大蝦 ~ 大蝦新鮮, 體積中等, 烤完唔太乾, 蝦肉爽甜juicy。
**牛前胸腹 ~ 油脂豐富, 香口兼肉質嫩滑。
**LA牛排骨 ~ 出奇地好味, 牛排骨黐住牛肉中間嗰層肉非常肥美好食。
**辣醬牛腩花肉 ~ 大佬最鍾意呢個, 薄薄一片烤2下就食得, 肥美又惹味。
**烤生蠔 ~ 頗鮮美, 但烤嘅過程好漫長, 諗住快啲反轉嚟烧, 一下子就烤乾了, 好食, 但燒過程有點煩。
**烤鰻魚 ~ 相對嚟講烤鰻魚就易得多了, 烤出嚟嘅效果非常好, 皮脆肉嫩, 肥美。
**厚切五花腩 ~ 睇相都知正呀, 燒到佢金黃脆口, 包生菜再加少許麵豉醬食, 一流
把鬼items
**牛腸 ~ 烤咗好耐都好似未熟咁, 後來先發覺原來熟咗嘅牛腸都係一嚿白色肥膏物體, 咬一口, 真係一舊肥膏來的, 仲係好韌嘅肥膏, 放棄
**T骨牛扒 ~ 可能太瘦緣故, 烤完之後有點乾及韌。
**猪皮 ~ 無諗過咁大塊, 其實幾爽口架, 不過太大件, 2個人食左一半己放棄。
最後當然要食埋甜品才圓滿呢
張貼
