影片
更多
2017-06-06
661 瀏覽
香港人有幾鍾意打邊爐牛牛唔使多講啦，無論聚會或約會、冬天或夏天都可以圍埋一齊食飯吹水。有選擇困難症嘅朋友又唔洗煩話諗唔到食乜，打邊爐真係預防家庭糾紛既好方法。今日介紹呢間火鍋放題餐廳就啱晒牛牛呢d食肉獸！打邊爐最緊要係乜（除左個爐外）？無錯！ 就係肥牛喇！ 呢到有5個等級嘅牛肉比客人揀，由普通澳洲牛肉（$158）到A4級霜降日本黑毛和牛（$888）都有。今次牛牛就試左個中等價錢（$278）既澳洲黑毛和牛，因為油脂分佈比例最適中，唔會太肥膩。1人1鍋既設計啱晒香港人，唔使遷就一班朋友既口味，唔使再為左芫茜同麻辣湯底而嗌交。到時贏左個湯底，輸左友情，值得咩？牛牛推介：鰹魚昆布清湯&泡菜豬骨湯。埋單連加一$307/1個人，牛牛食左10碟澳洲黑毛和牛、幾碟美國豬肩肉、各式魚丸、蔬菜、烏冬、雪糕等等。抵過你買野返屋企搞餐懵。牛牛會介紹呢間餐廳係因為：1. 環境清潔衛生，每枱客人離開後，店員真係會拎起個電磁爐清潔（電磁爐係陷入枱中既），唔係淨係抹個邊。2. 食物質素高，貴精不貴多，CP值高。好多任食⋯你懂的。3. 上牛肉速度快！呢個真係要俾LIKE！有d放題上菜速度係慢到1個點。有時仲要漏單，3吹
今日介紹呢間火鍋放題餐廳就啱晒牛牛呢d食肉獸！打邊爐最緊要係乜（除左個爐外）？無錯！ 就係肥牛喇！ 呢到有5個等級嘅牛肉比客人揀，由普通澳洲牛肉（$158）到A4級霜降日本黑毛和牛（$888）都有。今次牛牛就試左個中等價錢（$278）既澳洲黑毛和牛，因為油脂分佈比例最適中，唔會太肥膩。
1人1鍋既設計啱晒香港人，唔使遷就一班朋友既口味，唔使再為左芫茜同麻辣湯底而嗌交。到時贏左個湯底，輸左友情，值得咩？牛牛推介：鰹魚昆布清湯&泡菜豬骨湯。埋單連加一$307/1個人，牛牛食左10碟澳洲黑毛和牛、幾碟美國豬肩肉、各式魚丸、蔬菜、烏冬、雪糕等等。抵過你買野返屋企搞餐懵。
牛牛會介紹呢間餐廳係因為：
1. 環境清潔衛生，每枱客人離開後，店員真係會拎起個電磁爐清潔（電磁爐係陷入枱中既），唔係淨係抹個邊。
2. 食物質素高，貴精不貴多，CP值高。好多任食⋯你懂的。
3. 上牛肉速度快！呢個真係要俾LIKE！有d放題上菜速度係慢到1個點。有時仲要漏單，3吹4請都唔上菜仲要黑面！
4. 免費叉電服務，每張枱都會有1個usb位俾客人叉電，記得帶叉電線呀！
最後，牛牛覺得呢到唯一既缺點係無酒牌。對好多人嚟講打邊爐無啤酒就等如拜神無鷄一樣。不過牛牛揸開車就無咩所謂。 同埋飯後甜品只有乳酪味軟雪糕，唔係好啱重口味既牛牛。
味道 ☆☆☆☆
環境 ☆☆☆☆☆
價錢 ☆☆☆
抵食指數 ☆☆☆☆
澳洲黑毛和牛
16 瀏覽
0 讚好
0 留言
鏗魚昆布清湯
17 瀏覽
0 讚好
0 留言
張貼
